Newbie actresses Lienel Navidad, Angel Grace America join growing GL loveteams
Photo Inside Page
Photos
Nagpapasalamat ang newbie actresses na sina Angelgrace America at Lienel Navidad dahil unti-unti na ring nakikilala ang GL (girls' love) TV and movie projects.
Unang nabuo ang love team nina Angelgrace at Lienel sa online BL (boys love) series na Our Story (2003). Kamakailan, muli silang ipinakilala bilang love team sa bagong web series ng direktor na si Xion Lim, ang Sky Valley.
Sa ginanap na special screening nito kamakailan, inihayag ng dalawang aktres ang kanilang kasiyahan dahil nagkakaroon na rin ng interes sa GL dito sa Pilipinas.
Ani Lienel, Siguro doon sa nakaksabay na rin ang GL [sa BL], I say, deserve. Kasi, feeling ko deserve din ng representation and recognition. At the same time, yun din ang goal ni Direk, to be an advocate of LGBTQIA+ community.
“Sobrang saya lang po na as it grows, naging parte na kami doon. Isa na kami sa mga tumatatak and, hopefully, mas tumatak.”
Kasabay nito, unti-unti na ring lumalaki ang fanbase ng love team nina Lienel at Angelgrace, na kilala bilang Lorris.
Sabi ni Lienel, “Yes po, lumalaki na ang following namin, marami na kaming napapakilig. Hindi lang po yun, marami na rin kaming messages na nare-receive na, 'It's so comfortable for us to see and it's so nice for us to see na may representation na rin kami. Hindi lang branding ng girl-to-girl kundi may lalim.'
“We're happy po na we're part of that. Hopefully, mas lumaki po siya, mas maraming sumuporta, and mas ma-encourage po yung ganung genre sa industry po.”
Pasasalamat naman para kay Direk Xion ang inilahad ni Angelgrace.
“Ako po, very thankful po ako sa fans and supporters kasi kung wala sila, hindi kami makikilala, hindi talaga kami mare-recognize. Thankful din po ako kay Direk Xion Lim kasi ito po yata ang unang GL na nilabas ni direk. Thankful po kami sa amin po binigay ang opportunity na ito at pinagkatiwalaan niya po kami the second time around.”
Bukod kina Angelgrace at Lienel, bida rin sa web series na Sky Valley ang mga aktor na sina Tim Tuppil at James Lucero.
Samantala, narito ang ilan pang mga aktres na naging magka-love team sa isang project:
