News
Niño Muhlach, naaksidente ang kotseng minamaneho, isa ang sugatan
Photo Inside Page
Photos
Nasangkot sa isang aksidente kamakailan lang ang sasakyan na minamaneho ng aktor na si Niño Muhlach. Ayon sa mga nakakita, nangyari ito nitong Linggo, August 23.
Ayon sa report ng 24 Oras, Lunes, August 24, tatlong establisimyento ang tinamaan ng sasakyan ng aktor, kabilang na ang isang paresan, kung saan naapektuhan at nasugatan ang isang taong kumakain doon.
Dinala naman agad sa pinakamalapit na ospital ang nasugatan at sinagot na umano ni Niño ang pagpapagamot nito.
Nabangga rin ang isang nakaparadang motor na pumailalim sa sasakyan ng aktor.
Ayon sa pulisya, papunta sana sa Masinag ang aktor nang makaranas ng problema sa makina ang kaniyang sasakyan, dahilan para mawalan ng kontrol si Niño.
Sa ngayon ay hindi pa nagbibigay ng pahayag si Niño Muhlach tungkol sa naturang aksidente.
Pero nakipag-areglo na umano ang aktor ang mga may-ari ng mga apektadong establisimyento.
RELATED CONTENT: Celebrities who survived terrifying car accidents and lived to tell
their tales
