OFW sa Dubai, nagtagumpay matapos maging tagalinis ng banyo
Photo Inside Page
Photos
Sa Kapuso Mo, Jessica Soho, tampok ang OFW na si Helen, tinaguriang “Kuskos Kubeta Queen," na napagtapos niya ang kanyang mga anak dahil sa paglilinis ng banyo?
link -
Ilang taon nagtiis sa pagkuskos ng kubeta sa Dubai si Helen, matutustusan lang ang pag-aaral ng kanyang mga anak.
Mahigit isang dekada ng domestic helper sa Dubai si Helen, na may mga among taga-India.
Pangarap ni Helen na maging isang teacher ngunit hindi siya nakapagtapos ng pag-aaral. Naging isang daycare center teacher siya kanilang barangay sa Cagayan. Ngunit dahil sa liit ng kinikita niya, iniwan ni Helen ang asawa niyang magsasaka at tatlong anak para mamasukan bilang domestic helper sa Hong Kong.
Makalipas ng isang taon, umuwi siya ng Pilipinas nang magkasakit ang isa niyang anak ng epilepsy.
Ngunit kailangan niya pa rin mag-OFW, kaya sa Dubai naman siya ulit namasukan bilang domestic helper.
Kapalit ng tagumpay ay ang hindi niya nasilayan ang paglaki ng kanyang mga anak. Tumawag dati 'yung isang anak ko, sabi, 'Ma, grade one na ako next year, hindi ka pa rin umuuwi.'
"Hindi ko alam ano isasagot ko, ang hirap, lalo na kapag may contest na nanalo sila at nandoon ka dapat."
Kada-dalawang taon lang daw kasi kung umuwi si Helen sa Pilipinas.
Nagkaroon man ng pagtatampo ang kanyang mga anak, nagsumikap pa rin sila na magtapos sa pag aaral.
Ngayon, ang kanyang mga anak, abogado, guro at engineer na.
Si Helen, nakapagpundar na rin ng kanyang dream house sa Pilipinas at mayroon nang sariling farm.
Sama-sama tayong ma-inspire sa kanyang kuwento! Panoorin ang video na ito:
Samantala, tingnan ang trabaho ng ilang celebrities bago sila sumikat dito:
