Pinoy Big Brother Celebrity Collab Edition: Kapuso and Kapamilya Duos
Photo Inside Page
Photos
Ini-reveal na ni Kuya sa housemates ng Pinoy Big Brother Celebrity Collab Edition ang twist tungkol sa kahulugan ng collaboration.
Labis na nagulat ang Kapuso o Sparkle at Kapamilya o Star Magic artists sa big announcement ni Kuya para sa kanila nitong Miyerkules, March 12.
Pahayag ni Big Brother, “Sa kauna-unahang pagkakataon, sa dalawampung taong kasaysayan ng aking bahay, isang duo na Kapuso at Kapamilya ang tatanghaling Big Winner ng edisyong ito. At ang katabi ninyo ngayon ang siya ninyong magiging ka-duo.”
Ayon sa kanya, magkasamang haharap sa bawat hamon ang isang pares ng Kapuso at Kapamilya habang nasa loob sila ng sikat na bahay.
“Mula sa sandaling ito, isang Kapuso at isang Kapamilya ang magiging isang duo. Isang duo na magkakasamang haharap sa tasks, challenges, nominations, at maging evictions sa aking bahay," paliwanag ni Kuya.
Pahabol pa niya, "Sila ay magsasanib-pwersa, dahil ang kapalaran ng isa ay kapalaran din ng kaniyang kasama."
Kilalanin ang Kapuso at Kapamilya duos sa gallery na ito.
