Wala nang atrasan ang laban ng mga Sang'gre at ng buong Encantadia sa hukbo ni Gargan!
Masasaksihan na ang pinakamalaki, pinakamasakit, pinakamatindi, at pinakasukdulang yugto sa kasaysayan ng Encantadia.
Narito ang mga hindi dapat palampasin sa epic finale week ng Encantadia Chronicles: Sang'gre:
Masasakop ng kapangyarihan ni Gargan (Tom Rodriguez) ang magkakapatid na Sang'gre. Haharapin mismo ng mga bagong Sang'gre na sina Flamarra (Faith Da Silva), Deia (Angel Guardian), Adamus (Kelvin Miranda), at Terra (Bianca Umali) sa laban sina Pirena (Glaiza De Castro), Amihan (Kylie Padilla), Alena (Gabbi Garcia), at Danaya (Sanya Lopez).
Magkakatotoo na kaya ang nakatakda para kina Terra at Mitena?
Tila sasaluhin ni Agnem (Mikoy Morales) ang pagsaksak ni Mitena (Rhian Ramos) kay Lira (Mikee Quintos).
Si Daron (Jon Lucas) na nga ba ang makakatapos sa kasamaan ni Zaur (Gabby Eigenmann)?
Ito na nga ba ang tinutukoy na pinakasamasakit na yugto sa kasaysayan ng Encantadia?
Kaabang-abang ang pinagsanib na lakas ng mga bagong Sang'gre at mga Sinaunang Pashnea.
Magkakatuluyan kaya ang DarMea? Ano kaya ang kanilang magiging kapalaran?
Magtagumpay kaya ang mga Sang'gre at ang buong Encantadia na matalo ang kasamaan? Huwag palampasin ang epic finale week ng Encantadia Chronicles: Sang'gre, 8:00 p.m. sa GMA Prime at 9:45 p.m. sa GTV.