Regine Velasquez, sa fake news tungkol sa kanila ni Ogie Alcasid: 'Hindi po kami maghihiwalay ever'
Photo Inside Page
Photos
Diretsahang sinagot ni Regine Velasquez ang kumakalat na tsismis na naghiwalay na sila ng asawa niyang si Ogie Alcasid.
Nauna nang nagkomento sa isyung ito si Ogie sa pamamagitan ng post sa Threads. Aniya, “This post was sent to me. It is so sad that the owner would spread rumors about our marriage that is so sacred to both me and my wife and fabricate stories about our supposed separation. I-report po natin ito,”
Ngayong Sabado, August 24, matapos ang birthday prod number ni Ogie sa It's Showtime nagsalita ang Asia's Songbird tungkol dito.
Babala ni Regine sa nagkakalat ng fake news, “By the way, gusto ko lang semplakin 'yung nagsasabi na naghiwalay kami. Maghintay ka diyan, ah! Hintay ka. Kasi alam n'yo mga kaibigan, as we all know marriage is difficult! Marriage is already difficult the way it is.
“Pero yung may mga tao pa na whose trying to make it even more difficult for us, hindi po 'yun maganda. Parang pinapanalangin n'yo na magkahiwalay kami. Hindi po kami maghihiwalay ever.”
Patuloy pa niya, “Because we love each other, our marriage is not perfect, for me it is really... It's not perfect, siyempre, may issue-issue, ganun naman talaga. Pero gusto ko lang sabihin na napakabait po ng asawa ko.
"Alam n'yo po kung paano ko alam na mabait siya? He is God-centered you know, ang focus niya kay God, marami siyang ginagawa pero ang focus niya na kay God pa rin. Hence, ako po 'yung nagbe-benefit dun, kasi dahil mahal na mahal niya ang Panginoon- mabait at mabuti siyang asawa at tatay sa amin.”
Sa opening ng It's Showtime, ipinarinig ni Ogie Alcasid ang Gen-Z version ng ilan sa timeless hits niya na: 'Nandito Ako', 'Kung Mawawala Ka', at 'Bakit Ngayon Ka Lang.'
Kasama rin ng mag-asawa sa noontime show ang anak nila na si Nate.
Nagbigay din si Regine ng heartfelt birthday wish para sa mister.
Dasal niya, “Ako, gusto ko lang maging successful 'yung mga ginagawa niyang projects for other people.”
“Ang prayers ko na hindi siya mapagod dahil ang dami niya ginagawa, meron siyang everyday and nagpo-produce pa siya. And then he continues to write song, he continues to reinvent his songs.
“He continues to reinvent himself so, I think in the business it's very hard to be relevant ka pa. But my husband is able to do that kasi he is not afraid to reinvent himself. Honey, I'm, very, very proud of you.”
Ikinasal noong December 2010 sina Ogie at Regine sa Terrazas de Punta Fuego in Nasugbu, Batangas. Sila ay nabiyayaan ng isang anak na lalaki, ang 12-year-old na si Nate.
