News
Photo Inside Page
Photos
Mahigit isang taon na ang relasyon nina actress-model Rere Madrid at international basketball star Kai Sotto, at pag-amin ng aktres ay dumadaan na rin sa kanilang usapan ang kasal.
Sa pagbisita ni Rere, kasama ang kanyang kuyang si Kapuso Primetime Action Hero Ruru Madrid, sa Fast Talk with Boy Abunda nitong Lunes, October 20, inamin ng aktor na hindi niya nalaman ang panliligaw ni Kai sa kaniyang kapatid, at nalaman na lang niya noong sila na.
Paglilinaw ni Rere, hindi naman niya itinago iyon sa kaniyang kuya, “Pero nu'ng time kasi na naging kami ni Kai, Tito Boy, sobrang busy ni kuya. Actually, nung nandito po si Kai, parang twice lang ata sila nagkita.”
Samantala, kilala sina Rere at Ruru bilang parte ng Iglesia ni Cristo. Ayon sa aktres, miyembro din ng INC si Kai, na naging malaking factor umano noong nanligaw ito sa kaniya.
“Kasi sa mundo namin, ni kuya, hindi ganu'n karami ang kaanib din sa Iglesia ni Cristo na possible a maka-connect namin, ganiyan,” sabi ni Rere.
Nang tanungin naman ni King of Talk Boy Abunda kung napag-uusapan na nina Rere at Kai ang kasal, sinabi ng aktres nadadaanan na ito sa kanilang mga kwentuhan.
“Hindi naman instant na napag-uusapan na 'Tara, pakasal tayo,' or parang pinaplano na… parang gusto na namin kami na ang magkasama in the future,” sabi ni Rere.
Tinanong rin ni Boy si Ruru kung ano ang magiging reaksyon niya kung sakaling magsabi si Rere na magpapakasal na ito.
Ang sagot ni Ruru, “Basta ba kaya nila, e.”
Panoorin ang panayam kina Ruru at Rere sa video sa itaas.
BALIKAN ANG ROMANTIC PHOTO DUMP NINA RERE AT KAI SA GALLERY NA ITO:
