Masayang bumisita sa studio ng Fast Talk with Boy Abunda ang Kapuso actress na si Rhian Ramos nitong Biyernes, June 13.
Excited niyang ibinahagi kay King of Talk Boy Abunda at sa viewers ang ilang detaye tungkol sa pinakaaabangang Encantadia Chronicles: Sang'gre, kung saan isa siya sa cast members nito.
Anu-ano kaya ang inilahad ni Rhian tungkol sa role niya sa upcoming series? Bisitahin ang gallery sa ibaba.
Makikilala si Rhian Ramos sa Encantadia Chronicles: Sang'gre bilang ang evil ice queen na si Mitena.
Sa kwentuhan nila ni Boy Abunda, inilahad ni Rhian Ramos ang naramdaman niya nang malaman niyang siya ang first and only choice para gampanan ang role ni Mitena sa upcoming series.
“It feels amazing. I take it as very flattering… Na-shock talaga ako. This is right after I finished Royal Blood and Ma'am Suzette Doctolero called me and talked to me about two characters on the same day,” pahayag niya.
Naging napakalaking challenge para kay Rhian Ramos ang pagganap sa kaniyang role na si Mitena.
Sabi niya, “It was very challenging for me emotionally para laging ma-reach 'yung level na 'yun of hate, anger, pain, evil…”
=Sa kaniyang previous interviews, inilahad ni Rhian Ramos ang tungkol sa kasamaan ni Mitena.
“Hindi ko siya made-describe as gray. She's the most evil--ang pinaka-evil na nilalang na tumapak sa Encantadia.”
Para kay Rhian Ramos, intense talaga ang mga eksena niya bilang si Mitena.
Ini-reveal ni Rhian Ramos na matapos niyang bigyang buhay ang kaniyang karakter na si Mitena, bumisita siya sa kilalang skin clinic upang magpa-botox.
“First thing na ginawa ko nung natapos na 'yun, nagpa-Botox ako agad. Sabi ko, masyado akong nagalit, gusto kong hindi gumagalaw ['yung mukha ko]… like ayoko na magalit, ang intense…”
Abangan si Rhian Ramos bilang si Mitena sa Encantadia Chronicles: Sang'gre, magsisimula na sa darating na Lunes, June 16.