Ricci Rivero, iginiit na hindi ginamit ang ex-gf na si Andrea Brillantes
Photo Inside Page
Photos
Nilinaw ng basketball player na si Ricci Rivero sa Fast Talk with Boy Abunda na hindi niya ginamit ang aktres at ex-girlfriend na si Andrea Brillantes upang siya ay sumikat.
Sa June 26 episode ng nasabing programa, nagsalita na si Ricci tungkol sa mga isyu kaugnay ng naging hiwalayan nila ni Andrea.
“Ricci, 'yung mga usap-usapan, ginamit mo si Andrea Brillantes, trophy girlfriend, para ikaw daw ay sumikat, anong nais mong sabihin dito?” tanong ng TV host na si Boy kay Ricci.
Ayon sa star athlete, simula pa lamang ng relasyon nila ni Andrea ay hindi niya ginamit ang kasikatan ng aktres dahil malinis ang intensyon niya rito.
Sa katunayan, may mga naging project offer umano ang istasyon kung nasaan si Andrea para sa kanila ngunit tinanggihan niya ang mga ito.
Aniya, “Tito Boy kung ginamit ko po siya kasi marami naman pong offers ang ABS-CBN na sit-down interviews with her, shows with her, and simula po nu'ng naging kami never po akong nag-'Yes,' lahat po nag-beg-off ako kasi ayoko rin naman pong parang i-connect 'yung trabaho sa personal relationship ko.”
Dagdag pa ni Ricci, “Sa akin Tito Boy sobrang genuine lang lahat e, wala sa isip ko 'yung mga ganyang bagay kasi parang minsan lang ako mag-girlfriend e, bakit sa ganyan paraan ko pa gagawin.”
Matatandaan na naging bukas sina Ricci at Andrea sa kanilang relasyon kung kaya't marami ang nagulat nang bigla na lamang itong magtapos kamakailan.
BALIKAN ANG RELATIONSHIP TIMELINE NINA RICCI RIVERO AT ANDREA BRILLANTES SA GALLERY NA ITO:
