Ilang beses nang napatunayan ng Stars on the Floor season 1 champions Rodjun Cruz at Dasuri Choi, at ng pinakabagong Dance Authority na si Rayver Cruz ang kanilang galing at pagmamahal sa pagsasayaw. Sa katunayan, pag-amin nila, ito mismo ang nakapagpabago ng kanilang mga buhay.
Sa Fast Talk with Boy Abunda nitong Miyerkules, February 11, kinilala nina Rodjun, Dasuri, at Rayver ang isa't isa bilang ilan sa mga pinakamagagaling na mananayaw sa show business ngayon.
LINK: https://www.gmanetwork.com/entertainment/tv/fast_talk_with_boy_abunda/?amp?amp
Kaya naman, ang tanong ni King of Talk Boy Abunda sa kanila, “What is it about dance that you love?”
Alamin kung ano ang sagot nina Rodjun, Dasuri, at Rayver sa gallery na ito:
May kaniya-kaniyang kuwento sina Rodjun, Dasuri at Rayver kung papaano sila nagsimula sa pagsasayaw, at kung bakit nila ginagawa ito.
Pag-amin ni Dasuri, ang pagsasayaw ang nagtulak sa kaniyang maging extrovert mula sa pagiging introvert.
Ito rin umano ang naging bonding nila ng kaniyang pamilya, "Naging mas close kami dahil pabibo-bibo na ako sa harap nila. Dati kasi, parang tahimik lang 'yung family namin. Pero dahil sa 'kin, maingay na."
Sa sayaw naman umano umiikot ang buhay ni Rayver. Kung ngayon ay kilala siya bilang magaling na aktor, musikero at singer, wala umanong Rayver kung walang pagsasayaw.
Ito rin umano ang paraan ni Rayver para i-express ang emosyon na nararamdaman.
Kwento ni Rodjun, ang ina nila ni Rayver naman ang naging inspirasyon niya para magsayaw. Saad ni Rodjun, "'Yung mom namin, original singer siya ng 747 band and ano 'yan, singer, performer, dancer."
Pagpapatuloy pa ni Rodjun, "Tuwing nakikita ko 'yung mama ko sumayaw, 'yung joy niya, ganu'n pala 'yun, 'pag sumasayaw ka, iba 'yung happiness mo, iba 'yung nagpe-perform ka sa stage, 'yung madaming tao, 'yung napapasaya mo."
Samantala, tinanong naman ng batikang host kung gaano katotoo ang sabi-sabi na matitinik umano ang mga dancers sa babae.
Sabi ni Rodjun, baka ang ibig sabihin nila ay matinik magmahal.
Ngunit ayon kay Dasuri, hindi siya matinik. Sa halip, "Malambot, mapuso, loyal."