'Royal Blood' viewers on Rhian Ramos' emotional and intense scenes: 'Deserve for Best Actress'
Photo Inside Page
Photos
Umaani ngayon ng papuri mula sa manonood ang "tagos sa pusong" mga eksena ni Rhian Ramos sa episode 28 ng Royal Blood na napanood kahapon, July 26 sa GMA Telebabad.
Sa nasabing eksena, ipinakita na ang dahilan kung bakit ganoon na lamang ang galit ni Margaret (Rhian) sa yumaong amang si Gustavo (Tirso Cruz III).
Sa pag-iimbestiga ni Napoy (Dingdong Dantes) tungkol sa nakaraan ni Margaret, isiniwalat na ng ina ni Efren ang tunay na nangyari sa anak. Ayon dito, nasaksihan ni Margaret ang ginawang pag-torture kay Efren (Migs Villasis) ng mga tauhan ni Gustavo. Dahil din dito, nalaglag ang anak ni Margaret, na nagdadalang tao na nang mangyari iyon.
Para kay Margaret, si Gustavo ang pumatay sa kanyang mag-ama at sa harapan niya mismo. At kahit mahabang panahon na ang lumipas, aniya, ay hindi pa rin nababawasan ang sakit na dala ng pangyayaring iyon.
Tingnan ang iba't ibang reaksyon ng netizens sa madamdaming eksena nina Rhian Ramos at Migs Villasis sa gallery na ito:
