Ruffa Gutierrez, not on speaking terms with Herbert Bautista?
Photo Inside Page
Photos
Pasabog ang rebelasyon ni Ruffa Gutierrez matapos bumalik sa Kapuso network after 21 years.
Special guest si Ruffa sa 'Fast Talk with Boy Abunda' ngayong Araw ng Kalayaan at dito ibinahagi niya ang estado ng relasyon niya sa actor-politician na si Herbert 'Bistek' Bautista.
Last year, matatandaan na kinumpirma ng beauty queen-actress ang relasyon niya kay Herbert sa YouTube vlog ni Karen Davila.
Nagsimulang magbahagi ng relationship status niya si Ruffa nang mapag-usapan kung live in na ba sila ng former Quezon City Mayor. “I've never lived with a person,” diin niya.
Pagpapatuloy ni Ruffa, “Hindi ako naniniwala sa live in. Kaya 'yung mga relasyon ko nagtatagal kasi may space. 'Di ba, excited kayo to see each other? Kung everyday gumigising ka siya katabi mo, parang, 'oh my gosh!'”
Dito kinumpirma na ng anak nina Annabelle Rama at Eddie Gutierrez na hindi sila nag-uusap ni Bistek.
“Sorry, my longest relationship kasi was seven years, hindi pa ako lumalagpas ng seven years. But with Herbert [Bautista], we're going through a bump right now, and we're not speaking. So, let's see if that bump will last or we'll speak again, I don't know.
“Well, I have been busy also, and he has other things that he should take care of as well when it comes to personal matters. So, maybe this is also a good time, cause it's been five years since we first met again on the set of a project that we did.
“So limang taon, so magandang space 'to para makita natin kung itutuloy ba or ihihinto natin.”
Heto ang ilan sa highlights ng guesting ni Ruffa Gutierrez sa 'Fast Talk with Boy Abunda' ngayong June 12.
