Sarina Hilario, viral sa kanyang moving up ceremony
Photo Inside Page
Photos
Marami ang natuwa sa bagong achievement ng child content creator at anak ni Jhong Hilario na si Sarina Oceania!
Sa kanyang social media pages, proud na ibinahagi ng internet darling ang highlights ng kanyang moving up ceremony.
Bukod sa kanyang graduation look, nagningning din si Sarina sa natanggap niyang award bilang Most Active at Most Improved Student!
Kasama ang kanyang mga magulang at guro, tinanggap ng young influencer ang parangal na lalong ikinatuwa ng netizens.
Pero ang pinaka-viral na eksena? Nakatulog si Sarina habang nasa gitna ng programa!
Sa video, makikitang mahimbing ang tulog ng bata habang nakahiga sa mga upuan na para bang walang pakialam sa paligid.
"Tulog man sa inyong paningin, present pa rin!" caption ng post na agad pinusuan online.
Umani ng libo-libong views at reactions ang video. Napuno rin ng good vibes ang comment section na pati celebrities na sina Diana Zubiri at It's Showtime kid Argus ay nakisali sa kulitan online.
Patuloy mapapanood ang fun vlogs, challenges, at cute adventures ni Sarina sa kanyang social media pages at YouTube channel.
At syempre, makakasama pa rin si Jhong Hilario sa It's Showtime, tuwing Lunes hanggang Sabado, 12 noon, sa GMA at Kapuso Stream.
Samantala, tingnan ang most adorable father-and-daughter moments nina Jhong Hilario at Sarina Oceania:
