Aminado ang aktor at komedyante na si Sef Cadayona na umabot na siya sa puntong gusto na niyang sukuan ang lahat dahil sa depresyon. Ayon sa aktor, sa paghinto niya panandalian mula sa show business, pakiramdam niya ay marami siyang nabigo.
“Parang feeling ko I keep on disappointing my parents, especially that it was them who helped me build and reach for my dream,” sabi ni Sef sa November 14 episode ng Fast Talk with Boy Abunda.
“And then there was a difficulty with of course, finances and everything, [I was] trying to make ends meet. [I was] taking [on] jobs, which I am proud of, kasi trabahong hindi ko nagawa, pero para kay Anya tsaka para sa pamilya ko, gagawin ko,” pagpapatuloy ng aktor.
Ngunit pagbabahagi ni Sef, ang kaniyang anak na si Anya at lola niyang si Lola Meng ang humila sa kaniya mula sa depresyon.
Alamin ang kuwento ni Sef sa gallery na ito:
Pagbabahagi ni Sef Cadayona, kasama niya noon ang anak na si Anya nang banggitin nito na nakikita niya ang kaniyang lola.
Dahil hindi sigurado si Sef Cadayona, tinanong niya ang anak kung ano ang pangalang ng kaniyang lola. Ikinabigla umano ng aktor nang sabihin ni Anya na "Meng" ang pangalan ng lola na nakita nito.
Pagbabahagi ni Sef Cadayona, "That's when the time stood still for me kasi never ko naman [na-mention] 'yung name ni Lola Meng kay
Pag-amin ni Sef Cadayona, noong mga panahon na 'yun ay hirap na hirap na siya at for the longest time, humihingi siya ng sign sa kaniyang lola. "I took it as a sign na 'I have to do this, I have to live kasi I have to give everything to my child.'"
Pag-amin ni Sef Cadayona, laking lolo at lola siya kaya naman, laking tuwa niya na hindi pa rin tumitigil ang kaniyang Lola Meng na bantayan siya.
Noong mga panahon na iyon, inamin ni Sef Cadayona na nakakaranas siya sa depression at kalungkutan na para sa kaniya, "ang hirap niyang kalaban."
Nilinaw naman ni Sef Cadayona na alam niyang kailangan niyang maging okay, at tulungan ang fiance na si Nelan Vivero sa pagpapalaki kay Anya.
Sabi pa ni Sef Cadayona, kung mangangarap man siya ngayon, kailangan mas galingan niya para sa kaniyang pamilya.
Muling tanong sa kaniya ni Boy Abunda, "Did you seek professional help?" Pag-amin ni Sef Cadayona, humingi naman siya ng tulong, ngunit imbis na propesyonal ay ispiritwal na tulong ang hinanap niya.
Pagbabahagi ni Sef Cadayona, "Kapag tahimik na ang bahay, nakatulog na 'yung bata and mag-isa ako, dasal, sobrang lakas, sobrang lakas ng dasal na I turned my questions from 'Why is this happening to me now?' to 'Help me understand.'"