News
Shuvee Etrata fulfills dream of buying a car
Photo Inside Page
Photos
Masayang ibinalita ni Shuvee Etrata na natupad na ang isa sa kanyang mga pangarap- ang makabili ng sariling sasakyan.
Sa latest social media posts ni Shuvee, ibinahagi niya ang isang photo, kung saan tampok ang kanyang latest achievement.
Sulat ng Nation's Darling sa caption ng kanyang Instagram Story, “More than a car, it's a dream come true.”
Dagdag pa niya, “Brb, crying cause I finally had my first car.”
Mababasa naman sa caption ng kanyang Facebook post, “Laban mga breadwinners. Kung kaya ko, kaya mo rin.”
Samantala, bukod sa pagbili ng sasakyan, isa rin sa mga pangarap ng Sparkle star ay ang makapagpatayo ng sariling bahay para sa kanyang pamilya.
Sa previous interview ng Kapuso broadcast journalist na si Kara David kay Shuvee sa isang episode ng I-Listen, inilahad ng huli na maipapatayo na niya ang kaniyang dream house sa susunod na taon.
Pahayag niya, “Maybe next year, buo na siya. Sa Mindanao at sa Polomolok. Next year is my goal talaga.”
Samantala, si Shuvee ang isa sa mga paboritong ex-housemates ng Pinoy viewers sa Pinoy Big Brother Celebrity Collab Edition. Nakilala siya rito bilang Island Ate ng Cebu at parte ng ShuKla, ang isa sa duos noon sa loob ng Bahay Ni Kuya na sina Shuvee at Klarisse De Guzman.
Tingnan ang favorite moments ni Shuvee sa kanyang recent trip sa Japan:
