News
Slater Young, nagsalita na sa kontrobersyal na Monterrazas de Cebu project
Photo Inside Page
Photos
Nagsalita na ang Filipino engineer at online personality na si Slater Young sa pagkakadawit ng Monterrazas de Cebu sa matinding pagbaha sa Cebu noong Nobyembre 2025 dala ng Typhoon Tino.
Sa isang video na in-upload ni Slater noong Linggo, April 19, ipinaliwanag nito ang dahilan sa likod ng pagtikom niya sa kontrobersiyal na proyektong kaniyang kinabibilangan bilang engineer.
Paliwanag ni Slater, ngayon niya napiling magbigay ng komento sa isyu dahil sa mga findings ng Monterrazas de Cebu sa koneksiyon nito sa trahedya.
“That tragedy was real, and it deserves real answers. Not speculation, not misinformation,” ani Slater.
Ayon sa Filipino engineer, nais na raw niyang magsalita ukol sa kontrobersiya nang pumutok ang isyu online, ngunit pinili raw niyang manahimik at pairalin ang imbestigasyon, science, at mga ebidensiya.
“Throughout that time, our family endured a great deal of criticism. Some of it, deeply hurtful, especially as parents, and we did our best to shield our boys from it. But we also know that what we experienced is nothing compared to the suffering of those who were directly affected by the flood, and we try to never lose sight of them,” kuwento ni Slater sa online video.
Dagdag pa niya, “We waited for the truth, and now, that truth has come out.”
Sa nasabing video, ipinaliwanag ni Slater ang isang pag-aaral ng mga scientists mula sa Unibersidad ng Pilipinas na wala umanong koneksiyon sa Monterrazas de Cebu. Ayon sa pag-aaral, hindi Monterrazas ang dahilan ng pagkakaroon o paglala ng baha sa Cebu.
Sa halip, ito raw ay dulot ng ulang katumbas ng ilang buwan na ibinagsak ng Bayong Tino sa Cebu sa loob lamang ng isang araw.
Ani Slater, “That amount of water would've flooded those areas regardless of what was or was not built.”
Binigyang-diin din ni Slater ang isa pang resulta ng pag-aaral na may kinalaman naman sa water management ng Monterrazas de Cebu.
“We did not just meet the required standards for water management; we almost doubled them, and because of that, our detention ponds caught and held back up to 99.74 percent of the excess rainwater coming off our site, releasing it slowly instead of letting it all rush downhill all at once,” dagdag nito. “The science did not just say we did not cause the flooding; it says that the system we have built in place helped reduce it.”
Sa dulo ng kaniyang pahayag, ipinagbigay-alam ng Filipino engineer na bukas sa publiko ang kaniyang binanggit na pag-aaral. Nagbigay rin ito ng paalala ukol sa importansiya ng katotohanan.
“Several independent investigative bodies reviewed the same evidence, and they have reached the same conclusion, so we hope that all discussions moving forward are guided by this verified truth,” saad nito. “We respect everyone's right to their own opinion, but we will not be silent in the face of deliberate misinformation, and we will take all necessary steps to protect our family from it.”
Ipinaabot din ni Slater ang kaniyang paninindigan, pati na rin ng Monterrazas, sa pagbibigay ng tulong at kasagutan sa Cebu.
“We understand that, for some, no study or finding will ever be enough. Grief does not follow a timeline, and we respect that, but what we are here to say is this: Cebu deserves real solutions. And real solutions can only come from correctly identifying the real cause that is work, that is ongoing, and Monterrazas is committed to being a part of it. I am committed to becoming a part of it,” ani Slater.
Kilalanin si Slater Young sa gallery na ito:
