SNEAK PEEK: Kim De Leon, makakabuntis sa 'Regal Studio Presents: My Happy-Nes'
Photo Inside Page
Photos
Kwentong pampamilya ang hatid ng bagong episode ng 'Regal Studio Presents.'
Bibida rito ang Kapuso actor na si Kim De Leon sa episode na pinamagatang "My Happy-Nes" kung saan gaganap siyang soon-to-be college student na si Nesler.
Dito ay makakasama niya ang batikang aktres na si Lovely Rivero na gaganap na ina niyang si Agnes.
Pride and joy ni Agnes si Nesler na kanyang nag-iisang anak kaya naman excited siya sa pagsabak ng kanyang binata sa college sa Maynila bilang scholar. Pangarap kasi ni Nesler na maging engineer.
Ngunit tila mauudlot ito dahil si Nesler, nabuntis pala ang girlfriend niyang si Janelle, na bibigyang buhay ni Jana Taladro.
Paano na ang pag-aaral ni Nesler? At matanggap kaya ito ng kanya ina?
Abangan 'yan sa "My Happy-Nes," ngayong Linggo, November 27, 4:35 p.m. sa 'Regal Studio Presents.'
Samantala, silipin ang ilang eksena ng episode sa gallery na ito:
