SNEAK PEEK: Paglabas nina Alden Richards, Jasmine Curtis-Smith, at Tom Rodriguez sa 'The World Between Us'
Photo Inside Page
Photos
Bago matapos ang pilot week ng 'The World Between Us,' mapapanood na sina Alden Richards, Jasmine Curtis-Smith, at Tom Rodriguez bilang sina Louie, Lia, at Brian.
Bago sina Alden, Jasmine, at Tom, sina Izzy Canillo, Shanelle Agustin, at Will Ashley muna ang gumanap na Louie, Lia, at Brian upang ikuwento kung paano sila nagkakilala noong mga bata pa sila.
Maagang naulila si Louie dahil namatay ang kanyang ina nang maaksidente ito. Dahil dito, kinupkop ng ina nina Lia at Brian si Louie para pag-aralin dahil nakitaan niya ito ng potensyal.
Hindi man nagkasundo sa una sina Louie at Lia, nanaig pa rin ang nararamdaman nila para sa isa't isa. Habang nagiging malapit ang dalawa, siya namang paglayo ng loob ni Brian sa kanyang kapatid at kay Louie.
Paano kaya makikisama si Louie kina Lia at Brian sa kanilang pagtanda?
Bago ang episode mamaya ng 'The World Between Us,' narito ang ilang pasilip sa paglaki nina Louie, Lia, at Brian.
