Isang kakaibang pamilya ang mapapanood sa weekend anthology series na 'Regal Studio Presents.'
Pinamagatang "Once A Dad," kuwento ito ng teenager na si Manley na nangungulila sa kanyang ama.
Magpo-post siya online ng isang video kung saan hinahanap niya ang kanyang daddy Cedric.
Suwerte namang makakakuha ng reply mula sa ama si Manley at nangako itong bibisitahin siya.
Pero hindi inaasahan ni Manley na iba na ang kanyang tatay. Kung naaalala niya ito bilang isang basketball coach, ngayong ay nag-transition na ito bilang ganap na babae na si Cierra.
Masusubukan ang acting skills ni young Kapuso actor Will Ashley dahil siya ang gaganap bilang Manley.
Kasama niya sa episode si Iyah Mina, ang first ever transgender actress na nakakuha ng best actress award sa Pilipinas, na gaganap bilang Cierra.
Abangan sila sa "Once A Dad," October 30, 4:35 p.m. sa 'Regal Studio Presents.'
Silipin ang ilang eksena mula sa episode sa gallery na ito:
Si Will Ashley as si Manley, isang teenager na nangungulila sa kanyang ama.
Gaganap naman si award-winning actress Iyah Mina bilang Cierra, ang tatay ni Manley na nag-transition.
Si Bianca Lapus ay si Michelle, ang nanay ni Manley na may financial problems at nanganganib na ma-evict ng landlady.
Basketball ang bonding noon ni Manley at ng kanyang daddy
Matatanggap ba ni Manley si Cierra bilang ama?
Kabilang din sa episode si Marnie Lapuz.
Abangan ang "Once A Dad," October 30, 4:35 p.m. sa 'Regal Studio Presents.'