Fast Talk with Boy Abunda
Sofia Pablo, nagulat sa suportang natanggap sa paglabas ng Bahay ni Kuya
Photo Inside Page
Photos
Inaasahan na umano ng dating Pinoy Big Brother Celebrity Collab Edition 2.0 housemate na si Sofia Pablo na siya ang lalabas mula sa Bahay ni Kuya oras na ma-nominate siya. Ngunit ang ikinagulat umano ng Sparkle actress, ang nag-uumapaw na suporta mula sa fans.
Sa Fast Talk with Boy Abunda noong Lunes, ibinahagi ni Sofia na bago pa man siya pumasok sa Bahay ni Kuya ay alam na niyang marami ang galit sa kaniya.
“So sabi ko, shocks, feeling ko hindi ako makakaraos ng nomination week so ready po talaga ako every time magno-nomination week, sabi ko, 'Sana, hindi ako.' Kaya I always had the belief po, Tito Boy, nu'ng nandu'n pa ako sa loob na 'yung tinatagal ko here sa loob ng bahay, it's God's plan kasi tumagal ako because I never got nominated po talaga,” sabi ng aktres.
Sa paglabas ni Sofia mula sa Bahay ni Kuya, doon niya nakita ang nag-uumapaw na suporta ng fans, at ang pagkawala umano ng kaniyang bashers.
Alamin nag kwento ni Sofia sa gallery na ito:
