Sikat na sikat ang comedy skit ng mag-asawang Solenn Heussaff at Nico Bolzico na “Wifezilla” kung saan “bullied husband” ang asawa ng aktres.
Sa Fast Talk with Boy Abunda nitong Huwebes, ibinahagi ni Solenn na kay Nico nanggaling ang ideya ng kanilang gag.
“Si Nico nag-conceptualize kasi medyo strict ako pagdating sa bahay,” pagbabahagi ni Solenn.
Alamin ang buong kuwento kung paano nagsimula ang “wifezilla” gag nina Solenn at Nico sa gallery na ito:
Kinamusta ni King of Talk Boy Abunda kung papaano nga ba nagsimula ang viral skits na ngayon nina Solenn at Nico na Wifezilla na the Bullied Husband Club.
Ayon kay Solenn, ang asawa niyang si Nico ang nag-conceptualize ng skit dahil sa pagiging strikto niya sa bahay.
Pagbabahagi ni Solenn, "Kasi medyo strict ako pagdating sa bahay, like the moment you entered the hosue, shoes off. Kasi lagi 'yung mga lalaki, parang they're not dirty pero pagpasok ko, may medyas sa couch or may t-shirt tapos 'pag hindi ko tinanggal, it's gonna be there for a month or two months."
Iyon naman ang naging inspirasyon ni Nico, ang maraming quirks niya sa bahay.
Isa sa mga hindi niya umano mapapalampas ay ang paggamit ng bath towel bilang workout towel. Para kay Solenn, hiwalay dapat ang mga ito.
Pagmamalaki ni Solenn, "If you go to my house, as in you can lick the floor, ganu'n, sa linis."
Ani Solenn, tila magshu-shoot para sa isang magazine ang ayos at linis ng kanilang bahay. "Kasi 'yun 'yung gusto ko, paggising sa umaga, lahat malinis," sabi ng aktres.
Pag-amin ni Solenn, si Nico ang nag-iisip ng ideya para sa kanilang gags dahil ito ang mas nakakatawa sa kanilang dalawa.
Saad pa ni Solenn, "He's so fun, he comes up with all the concepts kasi ako, wala ako masyadong comedy bone in my body, pero siya talaga."
Ngunit paglilinaw ni Solenn, masaya at maganda naman ang samahan nilang mag-asawa sa totoong buhay.