Binalikan ni Thea Tolentino ang nakakaaliw na proposal ng fiancé niyang si Martin Joshua sa pagbisita niya sa Fast Talk with Boy Abunda nitong December 6.
Pagbabahagi ni Thea, lumuhod nga si Martin para sa kaniyang proposal, ngunit hindi naman siya tinanong nito ng “Will you marry me?”
“Hindi nga tinanong agad, e. Hinihintay ko, kasi nagulat daw siya sa reaction ko, natatawa daw siya na umiiyak ako. Sabi niya lang, 'Just say yes.' Pero hindi ko sinasagot kasi gusto ko, tanungin niya ako,” pagbabahagi ni Thea.
Ngunit bago pa ang naturang proposal, ibinahagi rin ni Thea kung papaano sila napunta doon sa gallery na ito:
Pag-amin ni Thea Tolentino, July pa lang noong nakaraang taon ay inaasahan na niya na magpo-propose si Martin Joshua sa kaniya. Sa katunayan, inakala nga niya sa tatanungin na siya nito noong nagpunta sila sa Lake Louise sa Canada.
Pagbabahagi ni Thea Tolentino, "Nu'ng nasa Canada kami kasi ang ganda, Lake Louise, sabi ko, 'Hala, baka dito magpo-propose.' Pero sabi niya, parang hindi daw niya feel kasi it's either kami lang dapat, or with special, mga close friends."
Okay lang naman umano kay Thea Tolentino na hindi natuloy ang proposal sa Canada. "Basta gusto ko, magulat ako," sabi ng aktres.
Noong November, nagtaka at nagulat umano si Thea Tolentino nang tanungin siya ni Martin Joshua kung papaano ginagawa ang mga photoshoot ng aktres sa Japan.
Pagbabahagi ni Thea Tolentino, may ilang collaborations siya sa Japan para sa mga photoshoot niya roon.
Ayon kay Thea Tolentino, wala namang interes noon ang fiancé sa kaniyang photoshoots kaya laking gulat niya nang maging interesado ito rito.
Pag-amin ni Thea Tolentino, medyo na-excite siya sa posibilidad ng proposal, ngunit ayaw nito muna isipin dahil "gusto ko talaga magulat ako."
Pagbabahagi ni Thea Tolentino siya pa nga ang namili ng location nila para sa photoshoot, "Gusto ko kasi may ginkgo trees kasi fall, ang ganda ng yellow trees. Tapos tinatanong niya ako, paulit-ulit, 'Gusto mo talaga dito?' Hindi niya maintindihan kung bakit gusto ko sa ilalim ng dilaw na puno."
Papunta na sana sila umano noon para sa second location ng photoshoot, nang hilingin ni Martin Joshua sa photographer na kumuha pa sila ng ilang litrato sa lugar. Doon na umano nakatunog sa Thea Tolentino sa balak ng boyfriend, kaya tumalikod siya ng kaunti.
Pagbabahagi ni Thea Tolentino, "Finally, siyempre tumalikod ako, paglingon ko, ayan na, nakaluhod na." Sabi ng aktres, kahit kinutuban na siya ay iba pa rin pala talaga ang pakiramdam na tanungin siya ng direkta. Kaya naman, hindi niya malaman at ma-express kung ano talaga ang nararamdaman.