Nagsalita na ang model-vlogger na si Trina Candaza tungkol sa hiwalayan nila ng ex-partner na si Carlo Aquino at sa mga isyu ukol sa kanilang co-parenting.
Ayon kay Trina, bukas siya sa pagdalaw ni Carlo sa anak nilang si Mithi at hindi niya ito kailanman ipinagdamot.
"Siguro 'yung headline na hindi ko pinapahiram si Mithi at siya ang bumubuhay sa aming dalawa, that's not true. I also pay half of our expenses. So para sa akin, dalawa kaming nagpo-provide. Puwede niya namang sabihin na nagsusustento siya kay Mithi kasi totoo 'yun. Pero para sabihin niyang binubuhay niya ako, parang nakaka-offend sa part ko 'yun kasi nagtatrabaho din ako. Naghahanap ako ng ways, ng income, para ma-provide 'yung kulang dun sa ibinibigay niyang sustento," sabi ni Trina sa panayam sa kanya ni Ogie Diaz, na mapapanood sa YouTube channel ng huli.
Dagdag pa niya, "Ito napansin ko lang, kapag ang lalaki nagbigay ng sustento for a month, mabuting tatay na sila. Pero kapag sa mga single moms, nagtatrabaho kami, inaalagaan namin 'yung anak namin. Pero once na may mali kaming magawa, masamang ina na kami."
"Kay Carlo kasi, 'yung sustento niya he can earn it in a day pero ako 'yung pino-provide ko na half, ilang trabaho 'yung katapat, ilang trabaho 'yung katapat para ma-provide ko 'yung one month. Sana ma-appreciate ni Mithi 'yung efforts ko para mabigyan siya ng magandang future at 'yung pagprotekta ko sa kanya.
"Ako, nakapag-decide akong umalis kasi tiningnan ko si Mithi at naisip ko, deserve ba ng anak ko 'yung ganitong version ko na malungkot at hindi masayang nanay? Kasi, it will also affect my daughter kasi makikita niya 'yun, e."
Sa huli, sinabi niya, "'Yung message ko sa lahat ng single moms, especially 'yung mga nagme-message sa akin, kung nahihirapan kayo minsan mag-desisyon kung ano ba ang tama. Tingnan niyo na 'yung anak niyo, makakapagdesisyon na kayo nang tama."
Kilala si Trina Candaza bilang model at vlogger na naging karelasyon ng aktor na si Carlo Aquino simula 2019.
Ipinanganak ang kanilang anak na si Enola Mithi Aquino noong September 8, 2020.
Naging pribado sa relasyon sina Carlo at Trina noong umpisa. Ayon sa interview ni Trina sa vlog ni Ogie Diaz, "Nagkakilala kami noon sa event ko sa trabaho. Napadaan siya, tapos ayun, doon na nag-start. I knew he's single and ang alam ko ako lang 'yung nililigawan niya that time. Akin naman wala namang problema kung public o hindi as long as alam ng friends mo, family mo, at ng workmates mo. 'Yun lang naman ang importante sa akin. Kasi hindi naman ako artista para kailangan i-announce."
Kwento ni Trina, maayos ang lahat sa relasyon nila ni Carlo ngunit unti-unting nagbago nang magkaanak na sila. Aniya, "Iba pala 'pag nagkaroon na kayo ng anak."
Inilahad din ni Trina ang napansin niyang nagiging isyu kadalasan sa mga single moms. "Ito napansin ko lang...kapag ang lalaki nagbigay ng sustento for a month, mabuting tatay na sila. Pero kapag sa mga single moms, nagtatrabaho kami, inaalagaan namin 'yung anak namin. Pero once na...may mali kaming magawa, masamang ina na kami."
Ayon kay Trina, parehi sila ni Carlo na nagsusustento kay Mithi. "Kay Carlo kasi, 'yung sustento niya, he can earn it in a day. Pero ako, 'yung pino-provide ko na half, ilang trabaho 'yung katapat para ma-provide ko 'yung one month."
December 2021 pa diumano naghiwalay sina Trina at Carlo ngunit pinili nilang gawing pribado muna ang kanilang hiwalayan. Nang tanungin ukol sa dahilan ng kanilang paghihiwalay, sagot ni Trina, "It's a very easy question but knowing na pwedeng mapanood ni Mithi, I'd rather not answer the question directly...But I think everyone knows [why]."
Dagdag ni Trina, "Siguro nung kahit noong kapapanganak ko pa lang kay Mithi, nag-start na. I tried naman na mag-stay nang ganun. Pero hindi mo rin masasabi 'yung emosyon mo, e. Mararamdaman mo talaga kung may pain. I tried naman pero hindi ko na kaya."
Bukas pa rin ang kalooban ni Trina na makipagusap kay Carlo kahit na hiwalay na sila.
"Kung gusto niya makipag usap privately, open ako. Sana bukas din ang isip niya. Sana intindihin niya rin ang situation kasi ako 'yung nasa bahay, ako 'yung kasama ni Mithi."
Bukas din si Trina na ipahiram kay Carlo ang kanilang anak na si Mithi. "Ang sa akin lang, kapag kukunin niya si Mithi, gusto ko, si Mithi lang sana. Mamili siya kung kanino niya i-spend 'yung time niya. Sa daughter niya, sa new girl niya, or sa friends niya. I think Mithi doesn't deserve na may kahati sa time."
Ayon kay Trina, naging inspirasyon niya ang anak na si Mithi para magpatuloy sa paghahanap buhay.
Pinili ni Trina na gawing pribado ang iba pang mga issue sa hiwalayan nila ni Carlo para protektahan si Mithi at huwag nang siraan ang dating partner na si Carlo.
Ayon kay Trina, pinipili niyang huwag kaawaan ang sarili o ang anak kahit na mahirap ang pagiging single mom. Aniya, "Dapat ikaw 'yung una-unang hindi maawa sa anak mo para hindi mo maramdaman 'yan."
Nang tanungin kung meron pang pagmamahal sa puso ni Trina para kay Carlo, aminado ito na mahal pa rin niya ang aktor dahil ito ang ama ng kanilang anak. "Of course, meron pa. Kasi daddy siya ng anak ko."
Nang tanungin kung meron pang pagmamahal sa puso ni Trina para kay Carlo, aminado ito na mahal pa rin niya ang aktor dahil ito ang ama ng kanilang anak. "Of course, meron pa. Kasi daddy siya ng anak ko."