Ang mga artista ay kadalasan hinahangaan sa kanilang taglay na talento sa pag-arte, pag-awit, pagsayaw o pag-host ng programa.
Hindi rin maitatanggi na ang ganda ng kanilang mukha o katawan ay isa rin sa hinahangaan ng kanilang mga fans o followers.
Ngunit, hindi lang iyan ang nagugustuhan ng kanilang mga taga-hanga. Kapansin-pansin din ang taglay na kasipagan at pagiging madiskarte ng ilang sikat na personalidad.
May ilang artista na nagmula na sa mga angkan ng mga aktor o mang-aawit, at naging mas madali para sa kanila ang pasukin ang showbiz.
Samantala, may ilang din na marami munang pinagdaanang pagsubok bago narating ang tinatamasa nilang kasikatan at tagumpay sa kanilang karera.
Noon, ang madalas maging daan o “stepping-stone” para maging artista ay ang pagiging “talent” o “extra.” Sa katunayan, maraming artista ang nagdaan muna sa pagiging “extra” o 'yung pagkakaroon ng mga malilit na role sa TV o pelikula. At mula dito ay unti-unti nilang hinubog ang kanilang talento at unti-unti rin silang nakilala ng kanilang mga taga-hanga.
Ang ilan naman ay nagsisimula muna bilang makeup artist, production assistant, writer, floor director, utility at iba pang trabaho sa likod ng camera.
Mayroon din ibang artista na bago sumabak sa showbiz ay nasubukan na rin pumasok sa trabaho na malayo sa mundo na kasalukuyan nilang ginagalawan.
Ang ilan sa kanila ay naransan na rin magtrabaho bilang barker ng jeep, janitor, construction worker, waiter, vendor at marami pang iba.
Nanggaling man sa hirap ang iba sa kanila at kinailangan pasukin ang iba't ibang trabaho, nagbunga naman kinalaunan ang kanilang sipag at tiyaga at nakamit ang kanilang swerte o "lucky break" sa showbiz.
At kahit na sila'y sikat na ngayon at maaaring nakakaangat na sa buhay, hindi nila kinakalimutan ang kanilang pinagmulan.
Alamin at gawing inspirasyon ang mga naging dating trabaho ng mga artista bago sila sumikat sa gallery na ito.
He is one of the most recognizable faces of 'Bubble Gang,' but did you know that 'Atlit' star Diego Llorico once worked as a production assistant of the gag show?
Diego is now the associate producer of 'Bubble Gang.'
Bago ma-discover si Jericho Rosales sa Mr. Pogi ng 'Eat Bulaga,' nagtrabaho muna si Echo bilang service crew ng isang pizza chain at personal driver. Bukod dito, nasubukan din ni Echo na magtinda ng ice buko at isda sa palengke. Nangangalakal din si Echo at minsan ay naging barker ng jeep.
Ibinahagi ni Jak Roberto sa programang 'Tunay Na Buhay' na nagpipinta siya noon ng mga lapida sa sementeryo para kumita ng pera.
Bukod sa pagiging artista, busy din si Jak Roberto sa kanyang YouTube channel at negosyo.
Dating nagbebenta ng ice buko ang basketbolistang si Marc kapag weekend para magkaroon ng extra income.
Nagtrabaho rin daw siya sa isang palengke kung saan 20 pesos ang sweldo niya sa isang araw.
Ashley Rivera, also known as Petra Mahalimuyak, rose to popularity via her hit YouTube videos. But before being a YouTube star, Ashley worked at a cellphone store in Las Vegas, Nevada.
Now, Ashley Rivera is in showbiz and also hosts a podcast.
Kim Domingo hit a gold mine when her dubsmash video of “Twerk It Like Miley,” garnered almost five million views. But before tasting stardom, Kim worked as a promo girl for liquor products.
Kim Domingo has now starred in various TV shows and films.
Before becoming a comedians, Donita Nose worked different jobs before she became famous.
Donita revealed in an interview with 'Tunay na Buhay' that she worked as a janitor and a dish washer. She got her big break in 'Wowowin.'
Comedian Divine Tetay had a regular job before being known as one of the most effective impersonators of the Queen of All Media Kris Aquino.
Divine once worked as a makeup artist and production staff in a TV network.
Nakilala ang hunky model na si Matthias Rhoads sa isang viral na Valentine's Day ad ng isang fast food chain taong 2017. Bumida din siya sa mga Kapuso series na 'Super Ma'am' at 'Asawa Mo, Karibal Ko.'
Bago pasukin ang mundo ng showbiz, may corporate job si Matthias Rhoads noon sa New York City.
May corporate job dati ang singer na si Princess Velasco bago siya nakilala bilang OPM Acoustic Princess.
Alam n'yo ba na dating Kapuso si Princess? Naging marketing officer siya ng GMA New Media, isa sa mga subsidiary ng TV network. Kinalaunan naging assistant manager din siya sa Corporate Planning Department ng GMA-7.
Sumikat bilang antagonist sa seryeng 'Onanay' ang Kapuso actress na si Jenzel Angeles. Kasama rin si Jenzel sa Pinoy adaptation ng 'Descendants of the Sun.'
Pero bago sumabak sa pag-aartista si Jenzel, naging assistant muna siya ng GMA Senior Vice President for Entertainment Group na si Lilybeth G. Rasonable.
Sa kanyang 'Tunay na Buhay' interview noong 2018, sinabi ni Troy Montero na naranasan niya noong maging construction worker sa Amerika. Sabi ni Troy, “My dad builds houses. He sells houses. What basically I do is construction.”
Bago naging internet sensation si Jelai Andres, nagtrabaho siya noon sa Qatar bilang isang receptionist sa isang real estate company. Kinalaunan ay naging secretary siya at admin officer.
Bago maging reporter, news anchor at host ng 'On Record' si Mav Gonzales, nagtrabaho muna siya bilang writer at courtside repoter. Alamin ang ilan pang nakakabilib at nakakamanghang facts tungkol kay Mav dito.
Nakilala natin siya bilang ang jowable vet at host ng 'Born to Be Wild.' Ngunit sa isa niyang IG post kung saan ipinakita niya ang dati niyang name plate, ikinuwento ni Doc Ferds Recio na noong nasa vet school pa siya ay nagtrabaho siya bilang PR Officer sa Enchanted Kingdom tuwing weekends. Dagdag pa niya sa caption, “I kept it all these years as a reminder that if you work hard, persevere and be determined enough to learn and to achieve your goals, no one should stop you.”
Proud na ikinuwento ni Kara David na nagsimula siya bilang PA-researcher sa GMA. Ngayon, isa na siyang hinahangaan at award-winning na documentarist at TV host sa Pilipinas.
Kapuso actress Carla Abellana had a corporate job before entering showbiz.
Here's a throwback photo of Carla Abellana when she was at her second job as an HR Associate for Rockwell Land Corporation.
Before joining Eat Bulaga's You're My Foreignay in 2014, Dasuri Choi worked with K-Pop idols in Korea.
Dasuri Choi was a choreographer and back-up dancer for K-Pop artists such as the Wonder Girls and Yama and Hotchicks.
Before entering showbiz, former Descendants of the Sun actress Reese Tuazon had a job related to her character, Dr. Sandra Delgado, in the Kapuso series.
Before becoming the celebrity mom and entrepreneur that she is today, Reese Tuazon worked as a registered nurse.
Did you know that OPM singer Ronnie Liang was a working student? In an Instagram post, he reminisced about his life working in the fast-food industry in the morning and studying at night. Ronnie shared, “I have learned that it doesn't matter what kind of job/work you do as long as you do it with respect and dignity. Additionally, people you serve will also be exceptionally happy when you perform your duties faithfully and wholeheartedly.”
Ang unang trabaho ni Joyce Pring ay bilang isang copywriter para sa isang furniture company. Nagtrabaho siya sa nasabing off-shore furniture company habang nag-aaral pa sa kolehiyo.
Bago sumabak sa showbiz ay naging drummer muna ng bandang Moyg sa Baguio City si Dennis Trillo.
Bago naging sikat na vlogger ay nagtrabaho si Zeinab Harake bilang performer or model na nakabihis bilang Disney princess sa mga mall. Tingnan ang kanyang Disney-inspired maternity shoot.
Alam n'yo ba na bago naging favorite ni Patrick ang hotdog, dati siya nagtrabaho muna sa isang fast-food chain na ang specialty ay chicken? Ibinahagi ng Kapuso comedian na si John Feir sa isang Instagram post na nagsilbi siyang staff sa McDonalds noong '90s.
Bago nakilala bilang comedian, singer, composer, creative director, book author at film director ang nag-iisang Michael V. ay dati siyang nagde-design ng Christmas o Halloween decors. Kuwento ni Direk Bitoy sa kanyang 'Bitoy Story' vlog, “Dati akong nagtrabaho sa Teaño International Export as a product designer. Teaño is an exporting company sa Navotas na nagma-manufacture ng seasonal decorative items.
“Kilalang-kilala 'yan doon nung '80s hanggang '90s. At ang trabaho ko dun, e, mag-drawing, mag-sculpt at mag-paint ng mga prototypes ng mga figures na pang-display during Christmas, Halloween, at saka Easter.
Ang rapper na si Gloc-9 ay nagtrabaho noon bilang service crew sa Bun on the Run, Little Ceasars, Tokyo Tokyo at French Baker.
Nagtrabaho noon ang TV host at anchor na si Arnold Clavio sa KFC Roxas Boulevard branch noong 1986 bilang busboy/waiter, cook at dishwasher. Proud siyang napagtapos niya ang sarili bilang isang working student matapos na mawalan ng trabaho ang kanyang ama noon.
Bago sumikat bilang frontman ng Eraserheads at magaling na songwriter ay nagtrabaho muna si Ely para sa isang record label.
Namasukan si Ely bilang copywriter sa BMG Records.
Incidentally, ang BMG din ang nagbigay ng break sa Eraserheads matapos nitong papirmahin ang banda na siyang naging daan para mailabas ng grupo ang kanilang groundbreaking debut album, Ultraelectromagneticpop!, noong 1993.
Ang BMG Records ang naging tahanan ng Eraserheads hanggang sa mabuwag ang grupo noong March 2002.
Kilala si John Lapus bilang aktor, direktor, at komedyante na nakagawa na ng maraming pelikula at naging host na rin ng mga showbiz-oriented talk show.
Bago naging artista at direktor, nagsimula bilang researcher si John "Sweet" Lapus hanggang sa na-promote siya bilang head researcher. Bukod dito, nasubukan din niya maging segment producer, talent coordinator, pictorial director, promo specialist, at creative associate producer.
Nakilala si Tuesday Vargas sa kanyang galing sa pagkanta at pagiging komedyante. Bukod dito, lumabas na rin siya sa iba't ibang pelikula at telebisyon bilang aktres.
Bago pa man makapagtapos sa Univeristy of the Philippines, nasubukan na ni Tuesday na maging floor director, writer, at production assistant bilang isang working student. Bukod sa pagiging artista, isa ring wedding planner si Tuesday.
Right decision para sa TV-movie actor na si Christian Bables na iwan ang dati niyang trabaho sa corporate world para pagtuunan ng pansin ang kanyang showbiz career.
Sa panayam ng PEP.Ph sa 2021 Metro Manila Film Festival Best Actor, nagtatrabaho pa sa isang telco company si Christian noong 2015 pero nagdesisyon siyang mag-resign para mapabilang sa isang teleserye. Bukod sa pelikula niyang 'Big Night,' na isa sa 2021 MMFF entries, nakilala rin si Christian sa role niya sa award-winning movie ni Paolo Ballesteros na 'Die Beautiful' (2016).
Sa isang Instagram post, kinuwento ni Neil na noong siya'y 10 years old ay naging delivery boy siya at ginagawa niya ito tuwing summer upang makapag-ipon ng perang pambaon sa school.
Magdadalawang dekada na sa showbiz ang Kapuso actor na si Neil Ryan Sese ngunit alam n'yo ba na minsan ay naging delivery boy siya ng mga softdrinks para makaipon?
Before becoming a content creator, Toni Fowler told in her exclusive interview with Karen Davila that she worked as a crew in fast-food chain Jollibee.
Toni also said in Karen's interview that social media played a huge part in her life. She stated, “Kaya talagang life changer 'yan. Kaya pinatatoo ko 'yang si YouTube, mga social media accounts. Because, life-changing kasi 'yung social media, e, 'di ba? Sobra siya, malaking bagay siya sa akin, sa buhay ng anak ko ng pamilya ko.” Toni's YouTube channel has more than seven million subscribers at this writing.
Bago naging host ng 'Unang Hirit' si Kaloy Tingcungco, dati palang nagta-trabaho bilang cabin crew ang binansagan Morning Oppa.
Sa isang panayam sa kaniya ng 'Saksi' anchor na si Pia Arcangel, naikuwento ni Kaloy na dalawang taon siya naging flight attendant.
Nag-viral ang video ni Chelsea Manalo matapos makoronahan bilang pinakabagong Miss Universe Philippines winner kung saan nakunan siya habang nagta-trabaho bilang isang hotel concierge sa isang five-star hotel sa probinsya ng Pampanga.
Bago naging on-cam talent si Bianca Gonzalez, nagawa pala nitong magtrabaho rin off-cam. Sa social media post ng TV host noong August 30, 2024, ikinuwento nito na noong nasa third year college siya taong 2003, nag-decide siyang kumuha ng part time job bilang brainstormer at trainee writer sa ABS-CBN.
Isang working student noon ang former 'Black Rider' actor na si Empoy Marquez.
Ayon sa actor-comedian, minsan daw siyang nagtrabaho noon sa isang convenience store noong nag-aaral pa siya sa kolehiyo. Sa panayam niya sa news magazine show na 'iJuander,' ikinuwento rin niya ang naranasang kababalaghan doon nang may makita siya kaluluwa na walang mukha.
Ano kaya ang dating trabaho ng magaling na stand up comedian at host na si Boobay bago naging artista?
Bilang proud raketera, ibinahagi ni Boobay sa guesting niya sa YouLOL Originals vodcast na 'Your Honor' na minsan din siyang naging waiter noong siya ay nasa kolehiyo.
Kuwento niya kina Tuesday Vargas at Buboy Villar, “Nagsimula 'yan, siguro noong college 'yan. Yung raket ko kasi nag-aaral ako dati sa Baguio nga 'di ba? Siyempre kumukuha tayo ng summer job. Isa sa mga naging summer job ko, maging waiter sa harap ng SLU.”
Alex Calleja took on a lot of jobs before hitting big as one of the best stand-up comedians in the country. A working student during his collegiate years, he later on became a teacher at AMA after graduating.
The popular comedian also worked as a construction worker and was even employed in a fast-food chain at one point in his life.
Pumirma ng kontrata sa Sparkle GMA Artist Center ang model-hunk na si Anthony Constantino noong April 8, 2025.
Bago pinasok ang modelling career, nagtrabaho si Anthony bilang part-time technical specialist sa tech company na Apple.
Nakapagtapos siya ng kursong Bachelor of Science in Computer Information Systems and Business Administration in Marketing sa California Lutheran University.
The next Daez is ready for his place in showbiz! Lalong nakilala ang nakababatang kapatid ni Mikael Daez na si Emilio Daez nang maging housemate ito sa 'Pinoy Big Brother: Celebrity Collab Edition.'
Kahit na-evict sila ng ka-duo niya na si Michael Sager noong April 26, 2025, nakakuha ng maraming fans si Emilio sa pagsabak niya sa PBB House.
Pero bago sundan ang yapak ng kuya niya na si Mikael Daez at ate niya na si Megan Young sa show business, halos dalawang taon nagtrabaho si Emilio bilang investment banker sa BPI.
Digital dance star Joshua Decena, who was born and raised in Abu Dhabi, shared that he worked a corporate job before trying out to become a dance content creator.
“Kasi after graduating, [nag-try] muna ako mag-work para lang magkapera. So, I just did corporate for like a year. And then, after doing corporate for a year, that's when the pandemic happened and that's when TikTok boomed, and then I initially made a TikTok for dancing,” he said in an interview in the podcast 'TRGGRD. '
Joshua is part of the reality dance competition 'Stars on the Floor.' He has over 1.4 million followers on TikTok, as of writing.
Gumawa ng pangalan si Mark Averilla, na mas kilala ngayon bilang Macoy Dubs, sa social media ng bigyan buhay niya ang karakter na si Aunt Julie sa TikTok. Ngayon, bukod sa pagiging content creator, isa na rin siyang host ng podcast na 'Dog Show Divas' kasama si Baus Rufo.
Sa isang panayam noong 2020, ibinahagi noon ni Macoy Dubs na isa siyang social media manager para sa isang advertising agency. Naging editorial assistant din siya sa isang local publication.
Isa sa mga kinahuhumalingan ng mga Gen-Z at Gen Alpha ang content ng TikTok sensation na si Poca, o si Warren Daniel Osinaga sa tunay na buhay.
Sa 'Your Honor,' ikinuwento ni Poca na dati siyang product trainer sa isang business process outsourcing (BPO).
Bago nagpakilig sa 'Pinoy Big Brother' si JM Ibarra o ang 'Poginsyanong Pilo-ToBe ng Quezon,' may naging trabaho siya noon.
Ayon sa panayam ni Karen Davila kay JM, nag-trabaho na siya bilang on-call driver bago nakapasok sa Bahay ni Kuya.
Kuwento niya sa Kapamilya broadcaster, “Before po kasi ako mag-PBB, kung ano-ano na rin [ang] pinasok ko na trabaho nu'n e. Kasi, hindi ko kinaya ituloy 'yung negosyo, so ako na naghanap ng trabaho para at least masustentuhan ko 'yung sarili ko.”
Katulad ng kanyang madalas na content na may plot twist, nakaranas mismo si Fonz ng 'biggest plot twist ng buhay niya.' Ito ay nang makatrabaho niya ang Queen of All Media na si Kris Aquino.
Ayon sa 'Apoy sa Dugo' actor na si Fonz, may kinalaman sa vlogging ang naging trabaho niya kay Kris Aquino.
Kuwento niya sa 'Your Honor,' “Nag-start muna ako as a production assistant, since wala pa ako kaalam-alam anything about media. So, dun muna nila ako ini-start. Pero, eventually umabot din ako sa parang junior producer 'yung tawag sa vlogs niya before nung vlogging era ni Madam.” Bukod dito, may short experience rin si Fonz bilang isang barista.
Naranasan din pala ng host at vlogger na si AC Soriano na magkaroon ng part-time job habang nag-aaral sa Japan.
Sa vlog ni AC, naikuwento niya, “Ang trabaho ko noon ay taga-linis ng 'omise.' So, ang Omise, technically, ang translation niya, ang ibig sabihin niya ay shop. Pero, iba-iba kasi 'yung ibig sabihin niya parang umbrella term siya sa mga tinatawag na business. Pero itong 'omise' na 'to, ang nature nito ay pub siya.”
“Imagine mo iiwan lang nila doon, nandun ang mga baso, mga lalagyan ng tray, mga lalagyan ng ala, mga bote ng alak, mga lalagyan ng ice--as in gulo-gulo lahat. 'Tapos, naka-pile up lahat ng mga plato doon sa lababo. Tapos, ako na 'yung maglilinis nun. Siyempre with vacuum pa, as in super dumi talaga niya come morning. Tapos, suwerte na lang talaga ako [kapag] konti lang 'yung kanilang mga customer sa gabi.”
Doble-kayod ang former 'Sunday Pinasaya' star na si Jerald Napoles na makilala bilang isang mahusay na TV actor, theater performer, comedian at movie star.
Pero bago mabansagang bilang isang total performer, dating nagtrabaho si Jerald bilang kargador sa Divisoria at volunteer demolition man sa Tondo noon.