Inanunsyo iyan ni King of Talk Boy Abunda sa Fast Talk with Boy Abunda nitong Martes, July 22, mula sas Facebook post ng singer at TV host na si Martin Nievera.
“Kami ay nakikiramay po sa pamilya at mga mahal sa buhay ng batikang direktor, television at concert director na si Fritz Ynfante. Pumanaw po si Tito Fritz kahapon ng umaga, July 21 sa edad na 84,” pag-anunsyo ni Boy sa kaniyang programa.
Caption naman ni Martin sa kaniyang Facebook post, “Today we lost one of the industry's best and most demanding directors. There was no compromise. It was his way or the super highway!”
Ayon pa kay Martin ay “perfectionist to a fault” si Fritz, ngunit iyon ay dahil lamang gusto niyang makita ang pinakamahusay na bersyon ng mga taong idinerehe, tinuruan, at mga minahal nito.
Pagbabahagi pa ng singer-TV host, ito ang nagbigay sa kaniya ng unang proyekto niya bilang isang TV host sa pamamagitan ng palabas na Penthouse Live, at tunay na naniniwala sa team nila ng dating asawa niyang si Pops Fernandez.
“He always trusted us with his direction and his gazillion changes on every script. His attention to detail was second to none and he spared no one's feelings when defending what he knew in his heart was right,” sulat ni Martin.
Ipinahayag din ni Martin kung gaano siya pinagpala na naging instrumento si Direk Fritz sa kaniyang karera sa telebisyon.
Sabi pa ni Martin, “Tito Fritz I will forever be grateful. I will miss you. Thank you for all you did not just for me , but for all of us whose careers you scolded and molded until each of our dreams came true. I love you! ”
Tingnan ang post ni Martin dito:
Related gallery: Filipino Directors who passed away and their memorable projects
Kilala ang direktor na si Wenn Deramas sa paggawa ng comedy films na laging humuhuli sa kiliti ng mga Pinoy. Kaya naman marami ang nagulat sa biglaang pagkamatay ni Direk Wenn noong February 29, 2016 dahil sa heart attack.
Isa sa pinaka-hindi malilimutang pelikula ni Direk Wenn ay ang comedy film na "Ang Tanging Ina," na pinagbidahan ng Kapuso actress-comedienne na si Aiai delas Alas kasama ang Kapuso multi-awarded actress na si Eugene Domingo. Ang pelikulang ito ay nagkaroon ng iba't ibang sequel na nagkaroon pa ng crossover sa pelikulang 'Enteng Kabisote' ni 'Eat Bulaga' host Vic Sotto.
Si Gil Merluza Portes ang tinaguriang 'original indie film director' na may likha ng iba't ibang indie films sa bansa ay pumanaw noong May 24, 2017. Isa sa hindi malilimutang obra ni Direk Gil ay ang pelikulang "Markova: Comfort Gay" na pinagbidahan ng yumao na rin na si Comedy King Dolphy Quizon.
Bago pumanaw si Direk Gil ay nagawa niya pa ang historical romantic film na "Moonlight Over Baler," kasama ang celebrity couple na sina Vin Abrenica at Sophie Albert, Ellen Adarna at Elizabeth Oropesa.
Nagdalamhati naman ang buong showbiz industry sa biglaang pagpanaw ng veteran director na si Bert De Leon. July 2021 ay isinugod sa ospital si Direk Bert matapos atakihin sa puso ngunit noong November 2021 at tuluyan na itong binawian ng buhay.
Bukod sa 'Eat Bulaga' at 'Bubble Gang,' isa rin ang weekly sitcom na 'Pepito Manaloto' na pinagbibidahan ng Kapuso comedian na si Michael V. sa mga programang naiwan ni Direk Bert.
Marami rin ang nagulat sa maagang pagpanaw ng independent film director na si Eduardo "Edong" Roy Jr. nito lamang February 21, 2022.
Pagkatapos ng kanyang award-winning film na "Pamilya Ordinaryo," matagumpay din ang kanyang pelikulang "Fuccbois" na pinagbidahan ng 'Running Man Philippines' cast member na si Kokoy De Santos kasama ang aktor na si Elijah Canlas at batikang aktor na si Ricky Davao.
Ikinalungkot din maraming celebrity ang pamamaalam ng comedian-director na si Philip Lazaro nito lamang July 11, 2022.
Si Direk Philip ang tumayong unit director ng ilan sa mga tumatak na programa ng GMA gaya ng 'Prima Donnas Season 2,' 'Widow's Web,' at 'Nagbabagang Luha.'
Ikinalungkot din ng industriya ang biglaang pagpanaw ng direktor na si Shandii Bacolod noong June 2022. Kasalukuyan siyang nasa Bangkok, Thailand, noon para sa isang trabaho nang ma-cardiac arrest.
Ang huling proyektong nagawa ni Shandii Bacolod bago pumanaw ay ang online boys' love series na 'Love at the End of the World.' Siya rin direktor ng mga indie film na 'Ben & Sam' at 'Fidel.'
Noong 2020, pumanaw ang award-winning Filipino film director Peque Gallaga sa Bacolod City sa edad na 76. Ilan sa kanyang mga pelikula ay 'Shake, Rattle & Roll' at 'Magic Land.'
Noong 2023, pumanaw ang aktor at comedian na si Joey Paras sa edad na 45. Siya ang nagdirek ng 'Last Supper No. 3,' 'Mulawin vs. Ravena,' at 'Igib.'
Noong 2023, ang dating aktor at direktor na si Ricky Rivero ay pumanaw sa edad na 51.Nakilala siya bilang cast ng 'That's Entertainment' at director ng ilang pelikula at patalastas tulad ng 'Eva Fonda' at 'Aswang Slayerz.'
Noong 2023, pumanaw ang original director ng 'Anna Liza' na si Gil Soriano sa edad na 81.