Napakaraming viewers ang talaga namang hook na hook na sa istorya ng murder mystery drama series na 'Widows' War.'
Pero bukod sa kwento nito, sinusubaybayan din nila ang love story nina Bea Alonzo at Rafael Rosell sa serye.
Kasalukuyang napapanood ang dalawa bilang sina Sam at Paco.
Silipin ang ilan sa kanilang sweet scenes at moments sa gallery na ito.
Marami ang nakakapansin na mayroong magandang chemistry sina Bea Alonzo at Rafael Rosell bilang lovers sa 'Widows' War.'
Unang nagkita sina Sam at Paco sa sementeryo kung saan nakalibing ang ama ng una.
Muling nagkita sina Sam at Paco nang magkaroon ng special project ang una kung saan naroon din ang huli.
Matapos ang ikalawang beses nilang pagkikita, tila nahulog agad ang loob ni Paco kay Sam.
Nagpursige si Paco sa panliligaw kay Sam hanggang sa sinagot siya nito.
Sobrang saya ni Paco nang marinig niyang payag si Sam na magpakasal sa kanya.
Dahil sa kagustuhan ni Sam na muling balikan ang ilang alaala ng kanyang ama sa Palacios' Estate, isinama siya ni Paco sa kanilang mansyon.
Kahit sa sariling ina na si Aurora (Jean Garcia), pinipili ni Paco na ipagtanggol si Sam.
Dahil alam ni Paco na tutol ang kanyang ina sa pag-iibigan nila ni Sam, pinili niyang gawing intimate ang wedding ceremony nila ng huli.
Isa ito sa mga eksena nina Sam at Paco na talaga namang kinakiligan ng mga manonood.
Ano kaya ang susunod na mangyayari sa buhay nina Sam at Paco? Abangan sa susunod na episodes ng 'Widows' War.'