Labis na nasorpresa ang mga manonood sa mga pahabol na pasabog ng murder mystery drama na 'Widows' War.'
Sa huling episode ng hit series na ipinalabas nitong Biyernes, January 17, natunghayan ang iba pang intense scenes ng mga karakter sa serye.
Balikan ang ilang naging kaganapan sa finale ng 'Widows' War' sa gallery na ito.
Sa pagtatapos ng serye, inilahad dito na si Paco (Rafael Rosell) ang nag-utos kay Jerico (Royce Cabrera) na patayin ang mga Palacios at una na rito ang karakter ni Benjamin Alves na si Basil.
Natunghayan sa last episode ang naging desisyon nina Sam Castillo-Palacios (Bea Alonzo), George Balay-Palacios (Carla Abellana), at Rebecca (Rita Daniela) na palakihing mabuting mga tao ang anak ng una at kambal na anak ng huli.
Ikinagulat ng marami ang pagkamatay ni Sam Castillo-Palacios, ang karakter ng A-list Kapuso actress na si Bea Alonzo sa serye.
Sa huling episode ng 'Widows' War', ipinakilala kung sino ang pumatay kay Sam (Bea Alonzo).
Hindi inaasahan ng lahat na si Rebecca (Rita Daniela) ang pumatay kay Sam (Bea Alonzo). Ito ay bilang ganti sa ginawa noon ni Sam sa asawa niyang si Paco (Rafael Rosell) na kapatid ni Rebecca.
Bago ang pagtatapos ng serye, may bagong karakter na ipinakilala. Isang babae na nagngangalang Soledad (Maria Isabel Lopez) ang dumalaw kay Jericho (Royce Cabrera) sa kulungan na kalaunan ay ibinunyag din ang tunay nitong pagkatao. Si Soledad ay ang ama ni Jerico na si Rodolfo.