Bibida sa upcoming queer film na 'Tayo Lang ang Nakakaalam' sina Yayo Aguila at Martin del Rosario. Sa 'Fast Talk with Boy Abunda' nitong nitong Martes, July 28, ibinahagi ng dalawang aktor na tungkol sa queer relationship ang naturang Cinemalaya film.
“Drama siya na queer relationship na maraming mga bagay na tinatago at hindi pwedeng malaman kasi alam mo, sa society natin, maraming judgmental, may mga stigma.So ito, tina-tackle niya 'yung struggles ng mga nasa queer relationship na pinili na lang itago 'yung mga details sa relationship nila kaya mahusgahan ng iba,” pagbabahagi ni Martin.
Dahil napag-usapan na rin ang tungkol sa stigma ng pagiging gay, tinanong na rin ni King of Talk Boy Abunda sina Yayo at Martin kung ano sa tingin nila ang dahilan kung bakit stigmatized pa rin ito hanggang ngayon.
Alamin ang sagot nina Yayo at Martin sa gallery na ito:
Aminado sina Yayo at Martin na stigmatized pa rin hanggang ngayon, sa kabila ng suportang natatanggap ng LGBTQIA+ community, ang pagiging gay.
Para kay Martin, maaaring dahil marami pa ring mga Pilipino ang nananatiling conservative at closed-minded tungkol dito.
Nilinaw naman ng aktor na hindi niya masasabing backward ang pag-iisip ng mga Pilipino, lalo na at marami na umano ang tumutulong para maging mas bukas ang pag-iisip tungkol sa paksang ito.
Ani Martin, "Deep inside, maraming taong kahit sabihin mong sa paligid, open na sila sa mga gay relationships, merong ibang judgmental within themselves."
Maaaring dahilan din kung bakit mayroon pa ring stigma sa pagiging gay ang kultura at relihiyon.
Sang-ayon din dito si Yayo. Sabi ng aktres, "Maliban sa kultura at relihiyon, para sa akin, dito pumapasok 'yung selfishness. 'Yung kunyari as a magulang, ayaw mo kasi hindi 'yung paniniwala mo, so hindi mo tatanggapin. Kasi ayaw mo lang."
Sabi ni Yayo, okay lang sa kaniya kung sakaling umamin ang kaniyang anak na siya ay gay. Sabi ng aktres, "Ganu'n talaga e, wala tayong magagawa kasi unang-una, adult na siya."
Ayon pa kay Yayo, ang mahalaga sa kaniya ay ang happiness ng kaniyang mga anak, "Sa mga anak ko, ang sinasabi ko sa kanila, 'Kung saan kayo happy, kahit na mahihirapan ako, I will work my way through it and accept whatever's gonna make you happy.'"
Sa upcoming Cinemalaya film nila na 'Tayo Lang ang Nakakaalam,' bahagi ng kwento ay ang pagtatago ng karakter niya ng kaniyang gay relationship dahil sa pagiging judgmental at sa stigma ng society.
Isa sa mga ita-tackle ng pelikula ay ang mga pagsubok na kakaharapin ng mga taong nasa queer relationship at ang takot na mahusgahan sila.