Kabi-kabilang kilig at happy moments ang pinag-usapan ng marami ngayong 2024 tungkol sa maraming members ng LGBTQIA+ Community.
Kabilang sa mga ito ang pagdadalang-tao ng transman na si Jesi Corcuera at ang wedding proposal ng Thai actor na si Mew Suppasit sa kanyang boyfriend na si Tul Pakorn.
Alamin ang ilan pang big announcements tungkol sa proud LGBTQIA+ members sa gallery na ito.
Ikinagulat ng marami ang pagbubuntis ng dating 'StarStruck' aluma at transman na si Jesi Corcuera.
Isinilang ni Jesi Corcuera ang kanyang baby girl nitong December 2024.
Mabilis na nag-viral online ang nakakakilig na engagement ng Thai actors na sina Mew Suppasit at Tul Pakorn.
Kinumpirma nina Mew Suppasit at Tul Pakorn ang kanilang romantic relationship noong nakaraang Hulyo.
Kinoronahan ngayong 2024 ang 24-year-old Manila-based performer na si Maxie Andreison bilang 'Drag Race Philippines' season 3 winner.
Naging co-contestant ni Maxie Andreison sa 'Drag Race Phillippines' ang kanyang biological sibling na si Angel, na isa ring member ng LGBTQIA+ Community.
Ginanap nitong November 2024 ang intimate wedding ng Ben&Ben members at proud LGBT couple na sina Pat Lasaten at Agnes Reoma.
Mula sa pagiging matalik na magkaibigan, forever life partners na ngayon ang Ben&Ben pianist at bassist na sina Pat Lasaten at Agnes Reoma.
Nag-come out bilang gay ang former F1 driver na si Ralf Schumacher.
Kasunod ng pag-amin na isa siyang proud member ng LGBTQIA+ Community, marami ang nagpadala ng kanilang congratulatory messages para kay Ralf Schumacher.
Pinag-usapan din ng marami ang pag-out ng True Faith frontman na si Medwin Marfil bilang miyembro ng LGBTQIA+ Community.
Ikinasal si Medwin Marfil sa kanyang partner na si Mark Angeles noong May 11, 2024. Naganap ang kanilang wedding ceremony sa isang beach sa California.
Sinusubaybayan ng maraming netizens ang ilang kaganapan sa buhay ng LGBTQIA+ member at vlogger na si Deo Balbuena, na mas kilala sa tawag na Diwata.
Madalas pag-usapan sa social media ang dinudumog na 24-hour pares business ni Diwata. Dahil dito, binansagan siya ng marami bilang Pares Overload Queen.