Ngayong opisyal na ang pagtakbo ni First Lady Melody (Sanya Lopez) sa pagkapangulo ng Pilipinas, makakaharap niya sa halalan ang dating First Lady na si Allegra (Isabel Rivas).

Noong si President Glenn (Gabby Concepcion) pa ang tumatakbo, tinangka itong pigilan ni Allegra. Pinapaatras ni Allegra si Glenn at nangakong gagawin niya itong bise presidente kung mag-withdraw ito ngunit hindi ito pumayag.

Sa kasamaang palad, pinagtangkaan ni Titus (Jon Lucas) ang buhay ni Glenn kaya naman mapipilitan itong umatras dahil nagpapagaling pa rin ito sa ospital.

Ngayon, tatakbo na si Melody bilang substitute ni Glenn upang mapigilan ang pagkapanalo ni Allegra.

Kung ikaw ang tatanungin, sino ang iboboto mo? Si Melody o si Allegra?