Linggo-linggo n’yo tinututukan ang award-winning at high-rating comedy program na ‘Pepito Manaloto’.

Sa mahigit 12 taon, sinundan n’yo ang kuwento nina Pepito (Michael V.) at Elsa (Manilyn Reynes), pero, paniguradong napamahal din sa inyo ang mga kuwelang empleyado nila sa PM Mineral Water.

Tiyak nabusog kayo sa kakatawa sa katakawan ng hotdog lover na si Patrick (John Feir) na best friend din ni Pitoy. Ilang beses din kayo kinilig at napahalakhak kapag magkasama si Patrick at ang ever reliable niya na misis na si Janice (Chariz Solomon).

 Marahil, napakamot din kayo ng ulo sa matinding pagmamahal ng pretty transwoman na si Mara (Maureen Larrazabal) sa manloloko niyang jowa na si Tommy (Ronnie Henares).

At hindi rin kumpleto ang barkada sa PM Mineral Water kung wala ang madiskarte na si Tere (Cherry Malvar) at resident beki na si Vincent (Tony Lopena).

Pero sa mga kuwelang PM Mineral Water employees, kanino kayo pinaka-nakaka-relate?