Around GMA

Article Inside Page

Isang gabi ng puso at aral ang namayani sa exclusive premiere ng Ganito Tayo, Kapuso film na ginanap sa Power Plant Mall Cinema, Rockwell Drive noong August 7.

Present sa event ang ilang GMA executives na sina Senior Vice President and Head of GMA Integrated News, Regional TV, and Synergy Oliver Victor B. Amoroso; Chief Marketing Officer and Head of Sales and Marketing Group Lizelle G. Maralag; Senior Vice President of Corporate Strategic Planning and Business Development and Concurrent Chief Risk Officer, and Head of Program Support Regie C. Bautista; Vice President, Program Support Department Mr. Butch San Agustin; at Sparkle Senior Talent Manager Tracy Garcia.

"It has actually been a labor of love for all of us," ani Ms. Lizelle tungkol sa advocacy film. "Maraming salamat [sponsors and partnerships] for supporting the campaign in celebration of the 75th anniversary. "

Masaya rin na nagsama-sama ang cast ng short films tulad nina Mikee Quintos, Althea Ablan, Allen Ansay, Sofia Pablo, Maey Bautista, Matt Lozano, Heath Jornales, Euwenn Mikaell, Sienna Stevens, Kzhoebe Baker, Aljon Banaira, Ericca Laude, at David Sean.

Kasama nila sa premiere ang production team, sponsors, at partners na tumulong sa pagbuo ng film.

Ang Ganito Tayo, Kapuso ay binubuo ng pitong maikling pelikula, bawat isa ay tumatalakay sa Filipino core values na maka-diyos, masayahin, maabilidad, makabayan, mapagmalasakit, mapagmahal sa pamilya, at malikhain.

Ang proyektong ito ay bahagi ng makulay na 75th Anniversary celebration ng GMA Network.

Abangan ang special screening ng Ganito Tayo, Kapuso sa mga piling sinehan, television, at online, simula ngayong August 17.

Samantala, balikan naman ang dazzling at heartwarming highlights ng GMA Gala 2025: