Around GMA

Article Inside Page

Isang buhay na naman ang malalapit sa kapahamakan sa GMA's top-rating medical drama series na Abot-Kamay Na Pangarap.

Ngayong Miyerkules, September 20, makakatanggap ng pagbabanta si Doc Lyndon Javier (Ken Chan) mula kay Doc Zoey Tanyag (Kazel Kinouchi).

Si Doc Lyndon, ang isa sa mga nakakaalam ng tungkol sa tunay na pagkatao ni Doc Zoey.

Matatandaang narinig niya noon na si Doc Carlos ang tunay na ama ni Doc Zoey at hindi si Doc RJ (Richard Yap).

Sa previous episodes, natunghayan na ilang beses sinubukan ni Doc Lyndon na ipaalam kay Doc Analyn (Jillian Ward) ang matinding sikreto nina Doc Carlos at Doc Zoey.

Napanood din na ilang beses na nagpahapyaw si Doc Lyndon sa batang doktor tungkol pagiging magkapatid ng huli at ni Doc Zoey.

Sa bagong episode, kaabang-abang kung ano ang gagawin ni Doc Zoey upang manatiling tahimik si Doc Lyndon tungkol sa kanyang nalalaman.

Samantala, malalalaman na ni Moira na may alam si Doc Lyndon tungkol sa kanilang sikreto.

Ano kaya ang masamang binabalak niya kay Doc Lyndon?

Narito ang ilang pasilip sa episode na ipapalabas mamaya:

Patuloy na tumutok sa pinag-uusapang serye na Abot-Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.

Maaari ring mapanood ang programa online via Kapuso Stream.

Maaaring balikan ang iba pang episodes ng serye rito: