Around GMA

Article Inside Page

Ang aktor na si Allen Dizon ang isa sa guest stars na kasalukuyang napapanood sa GMA's top-rating drama series na Abot-Kamay Na Pangarap.

Ginagampanan niya sa serye ang karakter ni Doc Carlos Benitez, ang kaibigan ni Doc RJ na isa sa mahuhusay na doktor sa bansa.

Bukod dito, siya rin ang tunay na ama ni Zoey (Kazel Kinouchi), ang anak ni Moira (Pinky Amador).

Matatandaang bago lumipat si Analyn (Jillian Ward) sa Eastridge Medical Hospital, matagal nang inaalok ni Doc Carlos ang batang doktor na sa ospital na nila magtrabaho.

Labis na humahanga si Doc Carlos sa pagiging genius at sa pagiging mabait ni Analyn.

Napapanood siya ngayon bilang doktor ng nanay ni Analyn na si Lyneth, ang karakter na ginagampanan ni Carmina Villarroel sa serye.

Matapos masagasaan, sa Eastridge isinugod si Lyneth at doon na ito nagpapagaling.

Sa episode na ipinalabas ngayong Martes, May 23, kinakiligan ang ilang mga eksena nina Lyneth at Doc Carlos.

Ayon sa ilang viewers, bagay raw ang dalawa.

Narito ang ilang komento ng mga manonood tungkol kina Lyneth at Doc Carlos:

Abangan ang mas kapana-panabik na mga tagpo sa Abot-Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.

Maaari ring mapanood ang programa online via Kapuso Stream.

Maaaring balikan ang iba pang episodes ng serye rito:

KILALANIN ANG MGA SUMUSUPORTA KAY DOC ANALYN SA ABOT-KAMAY NA PANGARAP SA GALLERY SA IBABA: