Around GMA

Article Inside Page

Mga award-winning na pelikula ang hatid ng digital channel na I Heart Movies ngayong linggo.

Isa na diyan ang psychological drama film na About Us But Not About Us mula sa writer, producer, at director na si Jun Robles Lana.

Tampok dito sina Romnick Sarmienta at Elijah Canlas bilang propesor at estudyanteng magkikita sa isang restaurant. Sa kanilang pag-uusap, mabubunyag ang ilang mga sikreto.

Nabingwit nito ang Best Screenplay at Best Actor para kay Romnick Sarmenta sa 2024 Gawad Urian Awards. Humakot naman ito ng parangal sa 2023 Metro Manila Summer Film Festival kabilang ang Best Picture, Best Director para kay Jun Lana, Best Actor para kay Romnick Sarmenta, Best Screenplay, Best Production Design, Best Cinematography, Best Editing, Best Sound, Best Musical Score, at Special Jury Prize para kay Elijah Canlas.

Abangan ang About Us But Not About Us, March 14, 8:00 p.m. sa Pinoy Movie Date.

Para naman sa fans ng superhero at comedy movies, nariyan ang 2010 fantasy-adventure movie na Super Inday and the Golden Bibe na pinagbidahan ni Kapuso Primetime Queen Marian Rivera.

Remake ito ng original 1988 movie na may parehong pamagat at pinagbidahan ni Diamond Star Maricel Soriano.

Isa rin ito sa official entries sa 36th Metro Manila Film Festival kung saan nanalo ito ng Best Sound Engineering at nakatanggap ng mga nominasyon para sa Best Make-up Artist at Best Actress para kay Marian.

Gumaganap si Marian Rivera dito bilang Inday, isang babaeng makakatanggap ng golden eggs ni Goldy, isang fallen angel na nag-anyong bibe.

Gamit ang kapangyarihan ng mga ginintuang itlog, magta-transform siya bilang superhero na si Super Inday.

Huwag palampasin ang Super Inday and the Golden Bibe sa March 13, 8:00 p.m. sa Pinoy Movie Date.

Mapapanood ang I Heart Movies sa channel 5 ng digital TV receiver na GMA Affordabox at GMA Now. Available din ito sa iba pang digital television receivers.