Around GMA

Article Inside Page

Naghahanda na si reigning Miss Universe Philippines 2025 and 74th Miss Universe 3rd Runner-Up Ahtisa Manalo sa bagong chapter sa kanyang career.

Sumalang siya kamakailan sa isang acting workshop sa ilalim ng aktres at acting coach na si Ana Feleo.

Bago nito, inamin ni Ahtisa na minsan niyang iniwasan ang showbiz.

"Dati, iniiwasan ko talaga ang showbiz. I just thought it's a big world that I don't understand but now I realize na, okay, I better try it bago huli na ang lahat," pahayag ng beauty queen.

Mas pinili daw kasi niyang i-prioritize ang pagsali sa beauty pageants noon.

"After Miss Universe, I decided I wanted to pour my passion again into something. I haven't found that yet so sabi ko maybe this is the perfect way to explore what I actually want to do," paggunita niya.

Pumirma ng kontrata si Ahtisa sa Sparkle GMA Artist Center noong March 10.

Ilang projects na rin ang nakalinya para sa kanya, kabilang ang special appearance sa isang teleserye at isang pelikula.

Pinangalanan din niya kung sino ang mga Kapuso stars na nais niyang makatrabaho.

"Leading man? Alden Richards. I want work with Marian Rivera, Dingdong Dantes. I want to work with people who have been in this industry who have honed their craft for years and years," lahad ni Ahtisa.

Umaasa daw siyang magiging mabuting impluwensiya ang mga ito sa kanya bilang baguhang aktres.

"I'm sure I can learn anything from anyone. I'm very very excited to see how GMA is going to open 'yung mga doors for me," aniya.

SILIPIN ANG CONTRACT SIGNING NI AHTISA MANALO DITO:

Panoorin din ang buong ulat ni Aubrey Carampel para sa 24 Oras sa video sa itaas.