Around GMA

Article Inside Page

Naging emosyonal si Comedy Queen at Owe My Love star Aiai Delas Alas nang sorpresahin ng kanyang pamilya, kaibigan, mga kasamabay, at driver sa kanyang 56th birthday nitong Miyerkules, November 11.

Ibinahagi niya sa social media ang ilan sa mga natanggap niyang regalo mula sa mga ito pati na rin ang video na kuha sa surprise party niya, kung saan makikitang umiiyak ang actress-comedienne.

Source: msaiaidelasalas (IG)

Ani Aiai, ito ang unang beses na naghanda ng birthday surprise ang mga ito para sa kanya.

“Naiyak ako kasi first time ako [na-]surprise [ng] mga kasambahay and driver namin--pati nanay ko and secretary ko and admin ko si Vik. Kumpleto sila sobrang happy ko,” aniya.

Mas lalo umanong lumambot ang puso ni Aiai dahil nagawa pa ring makabili ng regalo ang mga kasambay at driver para sa kanya gayung nabawasan ang kanilang mga sweldo. Napilitang bawasan ni Aiai ang kanilang mga sweldo nitong nakaraang buwan dahil nawalan siya ng trabaho na epekto ng COVID-19 pandemic.

“Tsaka naglaan sila ng time at sweldo para mabigyan ako gift.

“Naiiyak na naman ako kasi itong pandemic kalahati lang sweldo nila muna kasi walang work pero sama-sama kami sa hirap at ginhawa (pero ngayon kumpleto na sweldo nila).

“Sa nanay kong matanda na pero nag-effort bigyan ako gift and nagbihis pa siya at sa mga angels ko sa bahay Yayi, Liza, Lenlen, Jelly, pilots Roger and co-pilots Butchoy at sa secretary ko Mariza for 10 years, salamat sa pag mamahal nyo at effort na i-surprise ako at mabigyan ng regalo at saya,” dagdag pa niya Aiai.

View this post on Instagram

Naiyak ako kasi first time ako surprise mga kasambahay and drivers namin -- pati nanay ko and secretary ko and admin ko si vik .. kumpleto sila sobrang HAPPY ko ... atsaka nag laan sila ng time at sweldo para mabigyan ako gift ... 😢😂pucha naiiyak na naman ako ---kasi etong pandemic kalahati lang sweldo nila muna kasi walang work pero sama sama kami sa hirap at ginhawa ... ( pero ngayun kumpleto na sweldo nila haha) sa nanay kong matanda na pero nag effort bigyan ako gift and nag bihis pa sya .. at sa mga angels ko sa bahay YAYI LIZA, LENLEN , JELLY, PILOTS ROGER AND CO PILOTS BUTCHOY at sa secretary ko mariza for 10 years --salamat sa pag mamahal nyo at effort na i surprise ako at mabigyan ng regalo at saya 💚 GOD BLESS YOU MORE

A post shared by AIAI DELAS ALAS (@msaiaidelasalas) on Nov 10, 2020 at 11:57pm PST

Hindi naman nagpatalo ang birthday cake ng komedyante na dinisenyuhan ng mga larawan ng idolo niyang South Korean actor na si Park Seo-Joon.

Source: msaiaidelasalas (IG)

Happy birthday, Ms. Aiai!