Around GMA

Article Inside Page

Nag-iba man ang itsura ni Aiai Delas Alas, hindi magpapakabog ang Philippine Queen of Comedy kay Miss World 2013 Megan Young. Ito kasi ang takbo ng kwento ng kanilang upcoming film na "Mighty Yaya."

LOOK: Aiaia delas Alas and Megan Young join forces for a big movie project 

Para sa kanyang role bilang si Yaya Virgie, nagsuot ng kakaibang dentures si Aiai.

“Meron din doong dialogue ‘yung bata na ‘Why is she ugly?’ Hindi naman ako ugly, kaya nagpa-ugly ako,” paliwanag niya sa panayam ng 24 Oras.

Dagdag din niya ay bagay naman sa kanya ang kanyang karakter, “Magaling naman akong yaya kung tutuusin. Marunong ako maglaba, mamalantsa, mag-alaga ng bata.”

Si Megan naman ang gaganap na step mother ng mga batang aalagaan ng komedyante. Kwento ni Aiai, may mga eksena silang nagpapatalbugan para sa atensyon ng mga bata.
 

 

Mighty yaya cast wohoooo excited na ko ... June 8 ( showing )2016 see you ! #parasamgayaya #motherslove

A photo posted by Martina Eileen Delas Alas (@msaiaidelasalas) on

Apr 19, 2016 at 6:55am PDT

“Oo, na-insecure siya. Oo, kasi naman kita mo [ako],” hirit niya.

“Hindi, hindi. Na-insecure siya doon sa story,” patuloy niyang paglinaw.

Noong Miyerkules, April 19, ang unang araw ng kanilang taping. Gayunpaman, kasundo na niya agad ang kanyang co-star.

Aniya, “Mabait si Megan eh. Mabait siya ‘tsaka napaka-lovable and queen na queen.”

Kamakailan naman ay ginawaran si Aiai bilang Box Office Queen ngunit hindi siya nakadalo sa gabi ng parangal.

Kwento niya, “Sabi ko nun, pag hindi pumunta si Bossing, hindi ako pupunta. Gusto ko magkasama kami. So sabi ko, ‘Alden, ikaw nalang kumuha nung award ko.’ Sabi niya, ‘Syempre, ikaw pa.’”

READ: Aiai delas, nagpasalamat kay Vic Sotto at AlDub para sa natanggap na award


Video courtesy of GMA News

MORE ON AIAI DELAS ALAS:

READ: Gerald Sibayan refers to Aiai delas Alas as his “everything”

LOOK: Aiai delas Alas, magiging lola na