Around GMA

Article Inside Page

Masaya na may halong pressure ang nararamdaman nina Asia's Multimedia Star Alden Richards at New Generation's Movie Queen Bea Alonzo nang malaman nilang sa sinehan ipapalabas ang pagbibidahan nilang Philippine movie adaptation ng hit Japanese series na Pure Soul.

Hango rin sa Pure Soul ang Korean movie na A Moment to Remember na pinagbidahan nina Son Ye-jin at Jung Woo-sung.

Para kay Alden, gagawin nila ang Philippine movie adaptation ng Pure Soul para sa sinehan talaga at hindi sa iba't ibang streaming app.

"Maganda rin siya na kung babalik na 'yung cinemas, parang [the movie] is really for it, e," saad ni Alden.

"Since a lot of people know already na it's a remake, so may idea na rin sila kung paano tatakbo 'yung istorya.

"And ako, personally, if I'm a movie fanatic, parang I don't want to compromise my experience to watch movies on small devices, or sa bahay.

"Iba pa rin talaga 'yung 'pag [pinanood], nasa big screen siya. Mas dama mo 'yung istorya."

Masaya rin si Bea na nakapag-adapt ang producers nang isara ang mga sinehan noong nakaraang taon dahil sa banta ng COVID-19.

"Ako naman masaya ako that we were able to adapt. We have a lot of different platforms to show our movies, to be able to continuously make content and movies for our audience," pahayag ni Bea.

"But having said that, as soldiers of the art, parang feeling ko it's also our responsibility to create a movie that would make our audience go to the theaters because I don't want that industry to die.

"As actors, I feel like we're supposed to be responsible, and gusto kong bigyan pa rin ng ganung movie experience 'yung mga tao.

"Because tama si Alden, iba pa rin 'yung pakiramdam na nagpupunta [ka sa sinehan,] it makes you feel like everything's normal."

Kahit na hindi pa rin nagbubukas ang mga sinehan sa Metro Manila, pinangako ni APT Entertainment CEO and President Mike Tuviera na gagawin nilang pang-sinehan ang pelikula.

Co-production ng Viva Films, GMA Pictures, at APT Entertainment ang dream project na ito nina Alden at Bea.

Saad ni Direk Mike nang nagkaroon ng contract signing sa pagitan ng tatlong production companies, "Nung pinag-usapan naming mga producers 'to, we really feel na it's a big screen type of project.

"'Yung gusto namin talaga, maramdaman ng tao 'yung pagka-big screen niya, 'yung emotionality nung kuwento, 'yung characters.

"So ang importante sa amin is ma-experience ng tao 'yun in its full glory talaga in a theater."

Dagdag ni Direk Mike, kahit na ginagawa nila ang pelikula para ipalabas sa mga sinehan, nangunguna pa rin ang kaligtasan ng mga manonood.

Pagtatapos niya, "[Titingnan] din namin kung ano 'yung safety level later on 'pag natapos na.

"Kasi we're about to shoot tapos may post-production pa naman 'yan, so titingnan namin. Of course, safety comes first for our audience.

"Pero rest assured na we're making the movie as a big theatrical experience talaga."

Balikan ang nangyaring contract signing sa pagitan ng Viva Films, GMA Pictures, at APT Entertainment DITO:

It's official: Alden Richards and Bea Alonzo to star in PH movie adaptation of 'Pure Soul'

Bea Alonzo on working with Alden Richards: "I feel comfortable with Alden"