Alden Richards at Nadine Lustre, gustong ibida ang kagandahan ng Siargao sa 'Love, Siargao'
Around GMA
Around GMA
Marcos delivers aid to Davao provinces a day after SONA 2026 #SONA2026 Marcos says Davao City ‘Love Buses’ going electric Discounted fares on LRT-2, MRT-3 remain in effect amid Middle East crisisArticle Inside Page
Showbiz News
Nais nina Alden Richards at Nadine Lustre na ibida ang likas na kagandahan ng Siargao sa kanilang serye na 'Love, Siargao.'
Maliban sa umaapaw na chemistry nina Alden Richards at Nadine Lustre, matutunghayan din ang kagandahan ng Siargao sa romantic comedy series na Love, Siargao.
Sa report ni Aubrey Carampel sa 24 Oras noong Lunes, July 27, ibinahagi nina Alden at Nadine na nais nilang ibida sa serye ang likas na ganda ng Siargao.
"More than the love story, it's the love for what you have in front of you in terms of environment, the natural resources that we have," sabi ni Asia's Multimedia Star.
Dagdag pa niya, "It's a campaign for acknowledgement and protection."
Bilang residente ng Siargao, nais ni Nadine na mas makilala at malibot ng buong cast ang isla.
"Just wanted to make sure that everyone is taken care of. Yayaan kami. We suggest, like, you know, my spots to hang out in, to have lunch, dinner, ganyan. Nagpupunta sila sa bahay. Naggi-gym kami ganyan," kuwento niya.
Noong weekend, nagkaroon ng exclusive screening ang Love, Siargao kasama ang cast na sina Alden, Nadine, Kyline Alcantara, AZ Martinez, Kim Ji Soo, Vince Maristela, Kakki Teodoro, at Christopher Diwata.
Sa nasabing screening, inilabas din ang midseason poster ng serye, na lalong nagpakilig sa fans dahil tampok dito ang sweet moment nina Alden at Nadine.
Mapapanood ang Love, Siargao tuwing Biyernes at Sabado, 6 p.m., sa Viu Philippines.
Panoorin ang buong balita dito:
RELATED GALLERY: Alden Richards, Nadine Lustre, Kyline Alcantara, AZ Martinez, Kim Ji Soo, Vince Maristela headline star-studded 'Love, Siargao' exclusive screening
