Around GMA

Article Inside Page

Matapos ang kanyang well-deserved na bakasyon sa London, handa na muling sumabak si Asia's Multimedia Star at Box Office King Alden Richards sa taping ng Stars on the Floor.

Ayon sa report ni Aubrey Carampel sa 24 Oras nitong Huwebes, July 17, back to work na si Alden bilang host sa dance show at masaya daw ito sa magandang feedback ng mga manonood sa naturang programa.

"We're very happy. Happy kami, I mean with the performance of the show, of course, mga Pinoy, mahilig sumayaw, and what more, it's just so very rewarding for us to get such feedback from the viewers," sabi ni Alden.

Ngayong taon, goal din daw ni Alden ang makagawa pa ng isang pelikula matapos ang successful directorial debut film niya na ipinalabas sa Da Nang Film Festival sa Vietnam.

Maliban sa pagiging busy sa Stars on the Floor at sa kanyang recent film, naghahanda na din ito sa nalalapit na GMA Gala 2025 kasabay ng selebrasyon ng 75th anniversary ng GMA Network.

"I became part of the GMA family during its 60th year. So, I am very proud and happy for 15 years, I've been a solid Kapuso ever since day one. Diamond year anniversary ng network, talagang we have to be present and we have to prepare for it," sabi nito.

Kamakailan lamang, nag-perform si Alden kasama sina Julie Anne San Jose at Rayver Cruz sa Barrio Fiesta sa London kung saan in-extend niya ang kanyang trip para makapagpahinga at makapasyal kasama ang kanyang pamilya.

Samantala, tingnan dito ang London getaway ni Alden Richards:

Abangan si Alden sa Stars on the Floor tuwing Sabado, 7:15 p.m. sa GMA.