Around GMA

BIR launches new service to cater to 6,000 registered businesses
ASEAN Summit delegates visit heritage sites in Cebu City
FPJ Sa G! Flicks: 'Alas... Hari at Sota' | Teaser

Article Inside Page

Showbiz News

Naghahanda na si Alden Richards sa pagsabak niya sa triathlon sa susunod na taon.

Inilarawan ni Asia's Multimedia Star Alden Richards bilang isa sa pinakamahirap na bike rides ang pagsabak niya sa Stelvio Pass sa Italy.

Gayunpaman, proud si Alden na nakumpleto niya ang ride sa matarik na rutang ito.

"With cycling, that is something I can say na akin lang siya. 'Yung experience ko sa pagba-bike, that's one thing I can say that is solely mine--the skills, the strength, my bicycle. When I was cycling, the only thing that mattered was me, my bike, and the road ahead," paggunita niya.

Nagsimulang mag-bike si Alden para sa kanyang mental health at limang beses sa isang linggo siya kung mag-cycling.

Bukod dito, nagsisimula na rin daw siyang maghanda para sa pagsabak sa isa pang sport.

"Since I wanted to start my triathlon era next year, I am gonna be breaking in the disciplines one by one this year. And then next year, I'll start training. I want to do it slow. Ayoko siyang madaliin kasi nga baka ma-half bake," kuwento niya.

Ang triathlon ay binubuo ng tatlong magkakaibang sports, kabilang ang biking, running, at swimming.

Nahilig na si Alden sa pagtakbo at sa pagba-bike kaya mukhang paglangoy ang kailangan niyang mas tuunan ng pansin.

Busy na rin sa pagpasok sa flying school sa Pampanga si Alden.

"Fun! First time ko after 15 years [na] magkaroon ulit ng classmate. Grabe, it's very surreal. At saka kahit ako 'yung pinakamatanda sa batch namin, 'yung mindset ko naman is same wavelenth sa kanila. Ang sarap lang din ng experience na nakakapasok ka sa classroom ulit. You get to listen to your instructor, you get to study subjects," lahad niya.

Hindi naman daw mahirap para sa aktor na pagsabaysabayin ang lahat ng pinagkakaabalahan niya.

"Again, 'yung lagi kong sinasabi, it always boils down to time management. Walang busyness sa mga bagay na gusto mong gawin," pahayag ni Alden.

Panoorin ang buong panayam ni Athena Imperial kay Alden Richards para sa 24 Oras sa video sa itaas.