Around GMA

Article Inside Page

Inilabas na ng Kapuso actor na si Alden Richards ang matagal nilang plinano ng fashion designer na si Avel Bacudio kahapon, August 22.

Alden Richards and Avel Bacudio

Pinasalamatan ni Alden ang kanyang matagal nang kaibigan na si Avel sa pagtitiwala sa kanyang mga disenyo.

"Pare [Avel] has been in the fashion industry for the longest time, alam natin 'yan.

“But for him to actually approve the ideas of a person who has never done any fashion in this life, parang natutuwa naman ako," ani Alden.

Pinuri naman ni Avel si Alden sa kanyang mga design sa kanilang collaboration.

"Mas nalamangan niya ako kasi mas marami siyang idea na parang, 'Oo nga, 'no, bakit hindi ko 'to nagagawa as a designer ah,' because I only focus sa mga tao na nakapaligid sa akin," paliwanag ni Avel.

Pinaliwanag naman ni Alden at Avel na bahagi ng kikitain ng kanilang collection ay mapupunta sa charity na tumutulong sa mga visually impaired children ng Baguio City.

Masaya naman si Alden na i-educate ang mga tao sa kalagayan ng mga bulag dahil bukod sa pagtulong nila sa charity, bulag ang magiging karakter ni Alden sa kanyang bagong teleserye na 'The Gift.'

"Mas ma-amplify yung knowledge ng mga kababayan nating Pinoy at ng mga Kapuso natin sa kung ano ba talaga, paano ba talaga ang mundo ng isang taong walang paningin," saad niya.

Available na exclusively ang collection ni Avel at Alden sa zilingo.com.