Around GMA

Article Inside Page

Patuloy na nagiging kapaki-pakinabang ang biking hobby para kay Asia's Multimedia Star Alden Richards.

Sa report ni Aubrey Carampel sa 24 Oras noong Biyernes, April 10, ibinahagi ng aktor na malaking tulong ang kanyang pagba-bike, lalo na sa panahon ngayon na kailangang magtipid, at bilang paghahanda na rin para sa kanyang upcoming series na Love, Siargao.

“Aside from the fact na nakakatipid ka na, nakakatulong ka sa environment. You're also showcasing a healthy lifestyle, and you're doing something for yourself as well, so I encouraged everyone to bike,” sabi ni Alden.

Ngunit nagbigay rin siya ng paalala para sa mga motorista sa kalsada.

“But prior to that, sana po, of course, the manners natin sa daan, especially to our motorists, is to treat us, mga siklista natin fairly,” dagdag niya.

Samantala, inamin ng Asia's Multimedia Star na nakatulong din ang pagbibisikleta sa pag-achieve ng kanyang “beach body” para sa Love, Siargao, lalo na't malapit nang magsimula ang kanilang taping.

“We're gonna be flying out na sa Siargao. Project namin ni Nadine [Lustre] for Viu Philippines. So, we're gonna stay there for a month, and then, we're gonna finish the whole series na rin dun,” bahagi ng aktor.

Dagdag pa niya, “Kailangan ibalik 'yung beach body ba ang tawag dun. Pero yes, it's part of the preparation as well, and it's been a while na rin since my last project. Actually, Pulang Araw pa 'yung huli kong series na nagawa, and excited din talaga ako makabalik talaga to do acting.”

Kamakailan lang, natapos ni Alden ang kanyang unang triathlon relay sa BYD Ironman 70.3 Davao.

Mapapanood naman si Alden bilang host sa Stars on the Floor 2026 tuwing Linggo, 7:15 p.m. sa GMA, Kapuso Stream, at GMA Pinoy TV.

Panoorin ang buong panayam dito:

Tingnan dito ang must-see athleisure looks ni Alden Richards: