Alden Richards, masaya sa recent reunion ng 'Tween Hearts' co-stars
Around GMA
Around GMA
Mga bumbero, naantala dahil sa ginawa ng isang rider | GMA Integrated Newsfeed Guam delegation to arrive for Dinagyang Festival 2026 United Kingdom considering social media ban for minorsArticle Inside Page
Showbiz News
Alden Richards sa reunion ng 'Tween Hearts' co-stars: “Very nostalgic din kasi.”
Marami ang natuwa online sa muling pagkikita ng Reel Love presents Tween Hearts cast na sina Alden Richards, Barbie Forteza, Kristoffer Martin, at Bea Binene.
Sa report ni Nelson Canlas sa 24 Oras noong Martes, January 20, ibinahagi ni Alden ang kanyang saya sa kanilang reunion sa bagong bukas niyang fast food restaurant sa Sta. Rosa, Laguna.
“Very nostalgic din kasi. Briefly lang din pero parang 'yung moments together, nag-reminisce na bumalik sa akin 'yung mga times na kulitan kami on set when we're all together with certain projects,” kuwento ni Alden.
Hindi man sila magkasama ngayon sa iisang proyekto, masaya si Asia's Multimedia Star sa narating nilang lahat na halos nagsimula sa Tween Hearts.
“But looking at us right now, parang all of us, the four of us already came a long way in our different journeys,” dagdag pa niya.
Naging patok ang hit series na Reel Love presents Tween Hearts noong 2010.
Gumanap bilang Dennis si Alden sa kilig-serye. Samantala, si Barbie naman ay gumanap bilang si Bambi, na ka-loveteam ni Joshua Dionisio.
Si Kristoffer naman ang gumanap bilang si Chris at katambal niya rito ang aktres na si Joyce Ching.
Si Bea naman ay gumanap sa karakter ni Belle na katambal ni Jake Vargas.
Kasama rin nila ang iba pang mga stars tulad nina Derrick Monasterio, Louise Delos Reyes, Lexi Fernandez, at iba pa.
Panoorin ang buong panayam dito:
RELATED GALLERY: 'Tween Hearts' stars' beautiful friendship
