Around GMA

Article Inside Page

Naging sobrang blessed nga ang 2025 para kay Alden Richards dahil tila sunod-sunod ang pag-achieve nito sa kaniyang mga milestones sa buhay.

Ayon sa report ni Aubrey Carampel sa 24 Oras noong Miyerkules, August 13, proud si Asia's Multimedia Star at Box Office King sa kaniyang first-ever gravel race at sa kaniyang journey sa aviation school.

Malaking bagay raw para kay Alden na matapos niya ang 71-km ride sa kaniyang first-ever gravel race.

"It is a humbling experience. Ang sarap lang sa pakiramdam na the only thing that matters to me that time was, of course, safety is number one, but it was just me and my bike and the rain and the finish line," sabi ng aktor.

Dagdag pa niya, "Saya! Uulitin ko 'yun."

Ikinuwento ni Alden na proud siya sa kaniyang fitness milestone dahil sobrang personal ang cycling journey niya para sa kaniya dahil naging morning routine niya na ito araw-araw na nagbibigay sa kaniya ng "clarity at sanity."

Maliban sa pagiging busy sa kaniyang cycling journey, ibinahagi ni Alden na nagsimula na rin siya sa kaniyang aviation school.

"The reason why it is happening to me right now is alam ni Lord, one way or another, that I am going to be able to finish that, so I am taking it one step at a time. Wala akong minamadali," sabi ni Alden.

Kamakailan lang, naparangalan si Alden bilang isa sa Men Who Matter 2025 ng PeopleAsia. Napasama rin siya sa mga nominado sa Best Actor category sa FAMAS 2025 Awards.

Samantala, patuloy namang mapapanood si Alden bilang host sa Stars on the Floor tuwing Sabado, 7:15 p.m. sa GMA.

Panoorin ang buong balita dito:

RELATED GALLERY: IN PHOTOS: Alden Richards's career highlights