Alden Richards, puspusan na ang paghahanda para sa 'ForwARd' US Concert
Around GMA
Around GMA
Dagan sa Panahon atong Sayran | Balitang Bisdak Trump says Putin has been invited to join Board of Peace Italian fashion designer Valentino passes awayArticle Inside Page
Showbiz News
Sumalang na sa rehearsal si Alden Richards kasama ang voice coach na si Annie Quintos bago siya tumungo sa US para sa 'ForwARd: Meet Richard Faulkerson, Jr.' concert.
Puspusan na ang paghahanda ni Asia's Multimedia Star Alden Richards para sa kanyang four-city concert sa Amerika. Dadalhin ni Alden sa California, Illinois, at Florida ang kanyang documentary-concert na 'ForwARd: Meet Richard Faulkerson, Jr.'
Sa post ng GMA Pinoy TV sa Instagram, ibinahagi nito ang ilang larawan ni Alden kasama ang vocal coach at miyembro ng The Company na si Annie Quintos.
Gaganapin sa San Mateo, California sa September 3 ang unang performance ni Alden sa US at susundan ito kinabukasan sa Valley Center, California.
Sa September 10 naman ay magpe-perform si Alden sa Chicago, Illinois bago siya tumungo sa Jacksonville, Florida kinabukasan.
Makakasama ni Alden sa kanyang concert sa US ang aktres na si Sue Ramirez.
Bukod sa 'ForwARd,' mapapanood din si Alden sa Start-Up Ph sa September kung saan makakasama niya sina Bea Alonzo, Yasmien Kurdi, at Jeric Gonzales.
SAMANTALA, ANG MAS KILALANIN PA SI ALDEN SA MGA LARAWANG ITO.
