Around GMA

Article Inside Page

Viral ngayon sa social media ang latest vlog ng actress-content creator na si Alex Gonzaga.

Ito ay ang "Napikon si Zeinab Prank by Alex Gonzaga" na sa kasalukuyan ay mayroon nang 3.4 million views sa YouTube.

Sa naturang vlog, inimbita ni Alex sa isang kunwaring vlog collaboration sina Bobby Ray Parks Jr. at Zeinab Harake.

Walang kaalam-alam si Ray na magkasabwat pala sina Alex at Zeinab para sa isang matinding prank.

Sa video, mapapanood na nagpunta sila sa isang coffee shop at mayroong mga babaeng nagpa-picture kay Ray at ilan sa mga ito ay sobrang dumikit sa kanya.

Hindi alam ng basketball player na ang mga babaeng nag-picture sa kaniya ay kilala nina Zeinab at Alex.

Dahil sa pagiging clingy ng mga babae, nagkunwari si Zeinab na napikon at nainis siya sa ginawa ng mga ito.

Ayon sa vlogger, nakakabastos na ang pagdikit nila sa kaniyang partner.

Tila sinubukan ni Zeinab sa vlog kung gaano siya kamahal ni Ray at kung ano ang gagawin nito kapag nagseselos na siya sa iba.

Matapos ang ilang beses na pagpapaliwanag at malambing na paghingi ng tawad ni Ray kay Zeinab, ibinunyag na ng magkakasabwat na prank lang ang nangyaring kaguluhan.

Nagulat si Ray ngunit natuwa siya dahil alam niyang nakapasa siya sa ganung klaseng pagsubok.

Samantala, sina Zeinab at Ray ay engaged na at napakaraming celebrities at fans ang talaga namang masaya para sa kanilang dalawa.

SAMANTALA, TINGNAN ANG GIGIL MOMENTS NG ANAK NI ZEINAB HARAKE NA SI ZEBBIANA