Around GMA

Article Inside Page

Panibagong milestone ang ipinagpapasalamat ngayon ng Forever Young actor na si Alfred Vargas matapos na makuha ang ikatlong Best Actor Award sa katatapos lamang na Ima Wa Ima Asian International Film Festival sa Osaka, Japan.

Sa Instagram post, proud na ibinahagi ni Alfred ang pagkapanalo ng ikatlo niyang Best Actor Award ngayong taon para sa pelikulang Pieta.

"With extreme gratitude and humility, I am honored to share another milestone in my 22-year acting career! We recently won my [third] BEST ACTOR Award this year for the film, PIETA, and this time, in Ima Wa Ima Asian International Film Festival in Osaka, Japan," sulat ng aktor.

Sa Pieta, napanood si Alfred bilang Isaac, isang ex-convict na nakalaya matapos ang 18 taong pagkakakulong at muling nakasama ang inang si Rebecca (Nora Aunor), na bulag at halos hindi na makilala ang anak dahil sa Alzheimer's disease.

Sa pagtanggap ng award, sinabi ni Alfred sa kanyang speech kung gaanong "nakakataba ng puso" na na-recognize ang kanyang performance sa Pieta.

"To God be the Glory! Ang daming nominees from other countries like Japan, Korea, Indonesia among others, at nakakataba ng puso na na-recognize yung performance natin for PIETA. I am very honored kasi international recognition ito at kahit papano ay na-represent natin ang Pilipinas dito at naiwagayway natin ang ating bandila together for other Pinoy awardees. Kayang-kaya talaga nating makipagsabayan sa world stage at ang creativity at talent ng Pilipino ay walang kaparis!

Kasama ni Alfred na umakyat sa stage ang anak na si Cristiano na, aniya, naging "lucky charm" na niya.

Pinasalamat din ni Alfred sa kanyang speech ang National Artist for Film and Broadcast na si Nora Aunor, maging ang asawang si Yasmine Vargas, mga anak, pamilya, at ang kanyang mga tagahanga.

“I want to thank our superstar Ms. Nora Aunor for accepting this project. Kay direk Gina Alajar for guiding me and always supporting me pagdating sa improvement ng aking craft. And kay direk Adolf Alix for bringing everyone together for this film. Special thanks to Nanay Lolit Solis for managing my career for 20 years and to Direk Niel de Mesa, who also won here tonight, for getting me into theater performance way back in college in Tanghalang Ateneo. Kung wala sila, wala ako dito ngayon.

"Thank you Amore ko (Yasmine Vargas), my children, my bro Cong PM, Ate Bunny and Ditse Caron, and all my fans who've been there for me since day one, SOLID FRIENDS, for always giving me inspiration. Tagumpay natin ito," dagdag niya.

Tingnan ang post na ito sa Instagram

Isang post na ibinahagi ni Alfred Vargas (@alfredvargasofficial)

Samantala, kasalukuyang napapanood si Alfred bilang Gregory sa inspiring family drama na Forever Young. Si Gregory ang tumatayong ama ni Rambo, na pinagbibidahan ng award-winning Kapuso child actor na si Euwenn Mikaell.

Abangan si Alfred sa Forever Young, Lunes hanggang Biyernes, 4:00 p.m. sa GMA Afternoon Prime.

TINGNAN ANG MASAYANG PAMILYA NI ALFRED VARGAS SA GALLERY NA ITO: