Around GMA

Article Inside Page

Inilabas na ang duet rendition ng "Gusto Kita" nina Ally Gonzales at Kelvin Miranda noong Biyernes, October 7, na agad na napasama sa New Music Friday playlist ng Spotify Philippines.

Sa naganap na Kapuso Brigade: ZOOMustahan with Ally, ikinuwento ng singer ang naging collaboration nila ni Kelvin sa pangalawang pagkakataon sa kantang "Gusto Kita."

Una nang naka-collaborate ni Ally ang aktor sa music video ng first single niyang "Ating Kabanata" noong 2021.

"Kelvin has always been a joy to work with. The second time around when we did 'Gusto Kita,' I was more comfortable [and] relaxed since Kelvin is always super nice. He is a gentleman talaga," sabi niya.

Dagdag ni Ally, "And when it's Kelvin, it just comes naturally for me, maybe because he's very true and kind. Very sweet talaga in general and helpful. I always learn a lot from him, especially since sa first single ko 'Ating Kabanata' na he's very patient with me. He was my first leading man and I'm just very happy to work with him again."

Ayon kay Ally, nagpapasalamat siya sa pagkakataong ibinigay ng GMA Music na muling makapag-record ng kanta kasama si Kelvin. Aniya, "I love our duet rendition because you can feel the love in it and I am very grateful for this chance."

Isa naman ang "Gusto Kita" sa local soundtracks ng pinakabagong Korean series ng GMA na Ghost Doctor.

"I watched the Ghost Doctor at sobrang ganda po. To have our song doon po, I'm very happy and honored," sabi ni Ally.

Mapapakinggan ang "Gusto Kita" sa Apple Music, Spotify, YouTube at sa iba pang digital music streaming platforms.

MAS KILALANIN SI KELVIN MIRANDA SA GALLERY NA ITO: